Nýr aðili tekur við rekstri á Flugkaffi á Akureyrarflugvelli.
,,Við munum fara rólega af stað en kappkosta að bjóða fólki uppá góðar veitingar og ég lofa því að pönnukökurnar með sykri verða sko áfram á boðstólnum. Þetta er gömul uppskrift frá langömmu sem Baldvin Sig. ,,dassaði“ aðeins upp og þeim verður ekki haggað“ sagði Steingrímur Magnússon hjá Trolley en ISAVA gekk til samninga við fyrirtækið að loknu útboði og tóku hinir nýju rekstraraðilar við núna um nýliðin mánaðamót.
,,Pönnukökurnar með sykri verða sko áfram á boðstólnum" lofar Steingrímur
,, Það verður farið í ákveðnar breytingar á Flugkaffi eins og við þekkjum það, svona jafnframt því sem allt húsið fær yfirhalningu en eftir sem áður verður Flugkaffi í hjarta flugstöðvarinnar. Eftir breytingar munum við t.d. bjóða upp á heitan mat í hádeginu og hlökkum við mjög til þess“ bætti Steingrímur við. ,,Það verður hér eftir sem hingað til, gott að koma á Flugkaffi og gamlir taktar í heiðri hafðir ásamt glænýjum “ sagði Steingrímur.
Hjördís Þórhallsdóttir flugvallarstjóri á Akureyrarflugvelli er spennt fyrir komandi tímum. ,,Það eru spennandi tímar á flugvellinum, mikil uppbygging og verður algjör bylting fyrir farþega og starfsfólk hér þegar verkinu lýkur í ágúst„
,,Það er óhætt að fullyrða að þá verður Akureyrarflugvöllur með frábæra aðstöðu fyrir farþega í innanlandsflugi ásamt því að mikil bylting verður á aðstöðunni fyrir millilandaflugið“.
,,Okkur langar til þess hér verði gott og notalegt að koma, setjast niður njóta veitinga umhverfisins og slappa af fyrir komandi flug,, sagði Hjördís að endingu.
Nýjast
-
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan. -
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur. -
Nýr sviðsstjóri Netöryggismiðstöðvar Íslands
Skúli Bragi Geirdal, sérfræðingur í miðlalæsi hjá Fjölmiðlanefnd er nýr sviðsstjóri SAFT - Netöryggismiðstöðvar Íslands (Safer Internet Center á Íslandi). -
Ólöf Ása Benediktsdóttir ráðin skólastjóri Hrafnagilsskóla
Sveitarstjórn Eyjafjarðarsveitar hefur ákveðið að ráða Ólöfu Ásu Benediktsdóttur í stöðu skólastjóra Hrafnagilsskóla og mun hún taka formlega við stöðunni þann 1. ágúst 2024. Ólöf Ása hefur starfað við Hrafnagilsskóla frá því árið 2005, lengst af sem umsjónarkennari en veturinn 2016-2017 leysti hún af sem aðstoðarskólastjóri -
Afkoma Kjarnafæðis Norðlenska í samræmi við væntingar
Afkoma Kjarnafæðis Norðlenska hf. fyrir árið 2023 var í samræmi við áætlanir þrátt fyrir krefjandi ytri aðstæður á árinu. Fjármagnskostnaður var samstæðunni íþyngjandi í því háa vaxtaumhverfi sem einkenndi árið 2023 en aðhald í rekstri og hagræðingaraðgerðir vegna samruna Kjarnafæðis og Norðlenska hafa á sama tíma skilað verulegum rekstrarbata. -
Akureyri - Hængsmenn eru höfðingjar
Lionsklúbburinn Hængur heldur sitt árlega Hængsmót í 42 skiptið um komandi helgi, 3 til 5 maí. Á mótinu keppa um 200 keppendur í Boccia og lýkur mótinu með veglegu lokahófi og balli.
Athugasemdir