Blómstrandi tónlistarlíf ungs fólks á Akureyri
Þessi grein birtist upphaflega í Jólablaði Vikudags sem var unnið af nemendum í fjölmiðlafræði við Háskólann á Akureyri.
Mikill uppgangur hefur verið í tónlistarlífi á Akureyri og fjöldinn allur af ungu tónlistarfólki hefur verið að koma fram á sjónarsviðið undanfarið. En hvaðan kemur þessi skyndilega gróska? Smávegis eftirgrennslan sýndi að Tónlistarskóli Akureyrar iðar af skapandi tónlistarfólki og kennurum. Það var því ekki um annað að ræða en að fara á stúfana, kanna aðstæður og tala við nemendur skólans og kennara. Þessi hópur er greinilega samheldinn og skemmtilegur andi í honum. Þau eru öll af vilja gerð að vinna saman þó þau séu ólík og útkoman er áhugaverð og oft öðruvísi.
Fagstjórinn í deild Skapandi Tónlistar í Tónlistarskólanum á Akureyri er Haukur Pálma en hann vann lengi í Tónabúðinni á Akureyri og hefur því verið með puttana í tónlistarlífi Akureyringa stóran hluta ævi sinnar. Deildin er hönnuð til þess að koma til móts við þá nemendur sem finna sig ekki í Klassísku eða Ritmísku námi og vilja vinna meira að eigin efni. Hún hefur verið verkfæri fyrir marga til að koma sér af stað í tónlistarsköpun og opnað gáttir fyrir fólk til að koma sér á framfæri.
Haukur vill meina að opnun þessarar deildar og mikill uppgangur í tónlistarlífi Akureyringa haldist í hendur og skapi kjöraðstæður fyrir það sem Haukur kallar Hið Akureyrska Tónlistarvor. Námið byggist upp á því að vinna að ákveðnu verkefni yfir veturinn og skila af sér einhverri afurð í lok skólaárs. Hann nefnir sem dæmi að Stefán Elí hafi unnið plötu í fullri lengd í fyrra og gefið út með söfnun á Karolina fund.
Verkefni Ivans Mendez í fyrra hafi verið sex laga plata með hljómsveitinni GRINGLO og Birkir Blær sé að vinna að sex laga skífu sem stendur og svo mætti lengi telja. Haukur bendir á lagalistann ‘Tonak - Skapandi Tónlist’ á Spotify þar sem finna megi efni frá þessu tónlistarfólki.
Nýjast
-
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum.
Athugasemdir