Norðursigling sektuð um hálfa milljón
Neytendastofa hefur lagt 500.000 kr. stjórnvaldssekt á fyrirtækið Norðursiglingu ehf. á Húsavík fyrir að hafa brotið gegn ákvörðun stofnunarinnar frá 8. febrúar 2017.
Með fyrri ákvörðun stofnunarinnar hafi Norðursiglingu verið bannað að nota myndmerki og textann „Carbon Neutral“ í markaðssetningu fyrirtækisins þannig að villandi væri fyrir neytendur og ósanngjarnt gagnvart keppinautum. Þetta kemur fram á vef Neytendastofu.
Að mati Neytendastofu voru úrbætur Norðursiglingar á markaðssetningarefni fyrirtækisins ófullnægjandi. Taldi Neytendastofa því nauðsynlegt að leggja stjórnvaldssekt á fyrirtækið. Guðbjartur Ellert Jónsson, framkvæmdastjóri Norðursiglingar ehf. benti á í samtali við Vikudag að fyrirtækið hefði fjórar vikur til að kæra ákvörðun stofnunarinnar til áfrýjunarnefndar neytendamála og að það kæmi til greina að gera það. „Við höfum þennan tíma til að skoða málið, þetta er mjög sérstakt en engu að síður förum við yfir þetta áður en við tökum ákvörðun,“ sagði Guðbjartur.
Ákvörðun Neytendastofu má lesa í heild sinni hér.
Nýjast
-
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan.
Athugasemdir