Leggja til að akstur strætó aukist á kvöldin og um helgar
Til stendur að breyta akstri Strætisvagna Akureyrar (SVA) í nýju leiðarkerfi en m.a. á að auka akstur á kvöldin og um helgar. Í sumar barst Akureyrarbæ undirskriftalisti með nöfnum 42 einstaklinga þar sem skorað var á bæjaryfirvöld að lagfæra kvöld-og helgarakstur.
Frá því að vinna við breytingar á leiðakerfinu hófst vorið 2016 hafa notendur ítrekað óskað eftir bættri þjónustu á kvöldin og um helgar. Aðeins einn vagn á leið 6 ekur á þessum tíma og helgarakstur hefst ekki fyrr en á hádegi og stendur fram til að verða kl. 19 á kvöldin. Málið var tekið fyrir á síðasta fundi umhverfis-og mannvirkjaráðs Akureyrarbæjar.
Í minnisblaði um bætt leiðarkerfi SVA, sem unnið var af fulltrúum Eflu verkfræðistofu og Umhverfismiðstöð Akureyrarbæjar að beiðni bæjaryfirvalda, er m.a. lagt til að leiðir 1 og 3 aki með leið 6 á kvöldin og um helgar og auki þannig við þjónustuna. Í minnisblaðinu kemur einnig fram að til þess að auka tíðni stoppa á hverri biðstöð, og þannig stórauka þjónustustig, sé nauðsynlegt að bæta við strætisvagni. Núverandi kerfi samanstendur af fjórum strætisvögnum, auk fimmta vagnsins sem keyrir á leið 6 eina aukaferð á morgnana yfir vetrartímann til þess að auka þjónustu við framhaldsskólana tvo.
Einnig hafa borist athugasemdir er varða starfsfólk hjá Sjúkrahúsinu á Akureyri og nemendum í VMA, en þeir sem ljúka vinnu og námi kl. 16:00 þurfa oft að bíða í meira en hálftíma eftir strætó. Því er lagt til í nýju leiðarkerfi að flýta leið 5 um 10-12 mínútur seinnipartinn, þannig að hún gagnist sem flestum.
Þá hefur borið á kvörtunum frá starfsfólki í Miðbænum sem lýkur vinnu á heila tímanum um að tíminn sé of knappur til að ná strætó. Því er lagt til að reynt sé að hafa brottfarir úr Miðbæ Akureyrar sem næst 10 mínútum yfir heila tímann, „en það ætti að vera nægilega langur tími fyrir flesta starfsmenn sem ljúka vinnu á heila tímanum,“ segir í tillögum.
Engar tillögur eru um að hefja gjaldtöku í strætó á ný en frítt hefur verið í strætó á Akureyri undanfarin ár. Tillögunum verður vísað til bæjarráðs til afgreiðslu.
Nýjast
-
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri. -
Lokaorðið - Mæður allra alda
Það styttist trúlega í þriðju heimsstyrkjöldina, og þó er býsna stutt síðan þeirri síðustu lauk, elsta kynslóðin man þá tíma vel. -
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri.
Athugasemdir