Viðburðarrík helgi framundan hjá MAk
Samkomuhúsið á Akureyri. Mynd úr safni.
Það verða ákveðnar andstæður í Samkomuhúsinu um komandi helgi, annarsvegar er leikverkið ,,Listin að lifa“ leikverk eftir unga höfunda sem eru að stíga sín fyrstu skref í leikhúsi og hins vegar leikritið ,,Enginn hittir einhvern“ eftir hinn beitta penna Peter Asmussen í leikstjórn Simon Boberg. Leikrit sem hlotið hefur mikið lof gagnrýnenda. Peter Asmussen skrifaði meðal annars handritið af kvikmyndinni Breaking the Waves með Lars von Trier.
„Listin að lifa“ er spennandi ástarsaga ungs drengs með söngvum. Verkið fjallar um Frey sem er að koma út úr skápnum. Vinkonur Freys eru ákveðnar í að finna draumaprinsinn hans en lífið flækist þegar móður Freys berst tilkynning um nauðsynlegt brotthvarf frá heimili þeirra vegna vangoldinna skulda.
„Við erum stolt af því tækifæri að fá að fóstra og rækta hæfileika ungs listafólks í frumsköpun í sviðslistum, þar sem ungir krakkar taka sig saman og búa til heilt leikverk“ segir Jón Páll Eyjólfsson leikhússtjóri LA. Hópurinn kallar sig ,,Næsta leikrit“ og samanstendur af 13-16 ára krökkum sem öll eiga það sameiginlegt að hafa verið í Leiklistarskóla LA. Þau hafa þegar sýnt verkið, ,,Sértu velkominn heim”, sem sýnt var um borð í Húna ll 2014. Hópurinn skrifar sjálfur handritið, semur söngtexta og tónlistina í verkinu.
„Enginn hittir einhvern“ er kraftmikið, innblásið og afgerandi leikrit eftir beittan danskan penna. Leikritið hrífur áhorfendann með sér inn í samband tveggja ástríðufullra einstaklinga. Verkið hlaut fjórar stjörnur hjá Silju Björk Huldudóttur hjá Morgunblaðinu.
Í Hofi mun hlátur, gleði og rokk ráða ríkjum um helgina. Mið- Ísland kemur með glænýja uppstandssýningu sem sýnd hefur verið fyrir fullu húsi á yfir 60 sýningum í Þjóðleikhúskjallaranum. Laugardaginn 1. október munu öll bestu lög The Rolling Stones hljóma í Hamraborg en þar kemur fram einvala lið íslenskra tónlistarmanna.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir