Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið.
Í greinargerð með tillögu Helenu segir að markmiðið sé að stuðla að betri, skilvirkari og skýrari framkvæmd innan málaflokksins, og bættri þjónustu til að renna styrkari stoðum undir stjórn útlendingamála. Með þessari heildarsýn sé lögð áhersla á mannúð og virðingu og unnið gegn skautun í íslensku samfélagi.
Horfa til Norðurlandanna
Þann 6. mars síðastliðinn sátu formaður fjölskylduráðs og sviðsstjóri velferðar- og lýðheilsusviðs, fjölmenningarfulltrúi og félagsmálastjóri webinar á vegum Nordregio um stuðningskerfi á Norðurlöndunum við flóttafólk og hvernig þau eru í framkvæmd í nokkrum sveitarfélögum í þeim tilgangi að kynna sér fyrirkomulag á móttöku og inngildingu flóttamanna hjá sveitarfélögum á Norðurlöndunum. Í grunninn fær hver og einn flóttamaður tengilið sem aðstoðar við aðlögun að samfélaginu allt frá einföldum hlutum líkt og að læra að rata um samfélagið, hvar er bókasafn, matvörubúð og hvar er hægt læra tungumál viðkomandi lands, til flóknari hluta eins og að aðstoða við tungumálanámið.
Það er á þessum grunni sem Helena leggur til að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka.
Vinsamlegra samfélag
„Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. Byggt verði á grunni verkefna sem kynnt voru á webinari Nordregio um norræna módelið um stuðningskerfi við flóttafólk þar sem það á í raun jafnt við um flóttafólk og nýja íbúa og er í anda þess sem ríkisstjórn Íslands hefur sammælst um varðandi aðgerðir í móttöku nýrra íbúa. Verkefnið fáið heitið “Hittu heimafólk” og á ensku “Meet a Local” Ávinningurinn af verkefninu miðað við reynslu sveitarfélaga á Norðurlöndunum felst meðal annars í aukinni þátttöku barna og unglinga í íþrótta- og tómstundastarfi, betri aðlögun að íbúa að samfélaginu, betri íslenskukunnáttu íbúa af erlendum uppruna, aukinni þátttöku í ýmiskonar félagsstarfi og sjálfboðastarfi. Að svo stöddu verði ekki gert ráð fyrir viðbótarkostnaði vegna verkefnisins þar sem fyrst og fremst snúi það að því að koma á netverki milli sveitarfélagsins, atvinnulífs og félagasamtaka þannig að þegar nýir íbúar flytja til Norðurþings fái þeir tengilið sem geti verið vinur sem vísar leið innan samfélagsins,“ segir í greinargerð Helenu.
Tillagan var samþykkt samhljóða í Fjölskylduráði.
Nýjast
-
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss. -
Nýta jarðvarma til framleiðslu á ofurfæðu úr smáþörungum
Mýsköpun er framsækið nýsköpunarfyrirtæki
Athugasemdir