Bergið Headspace, ráðgjafasetur fyrir ungt fólk á Akureyri
Erla Lind Friðriksdóttir ráðgjafi Bergsins á Akureyri
„Starfsemin fer vel af stað hjá okkur og ljóst að þörf er fyrir þessa þjónustu,“ segir Erla Lind Friðriksdóttir ráðgjafi Bergsins á Akureyri, en Bergið Headspace er ráðgjafasetur fyrir ungt fólk á aldrinum 12 til 25 ára. Bergið var stofnað árið 2019 og hefur verið starfandi síðan á höfuðborgarsvæðinu. Starfsemin hófst á Akureyri í byrjun þessa mánaðar og er staðsett í Íþróttahöllinni á Akureyri, í sama húsnæði og Virkið.
Erla Lind segir að hún hafi kynnt Bergið m.a. fyrir námsráðgjöfum í framhaldskólum og í Háskólanum á Akureyri og einnig verði starfið kynnt fyrir þá sem hafa með elstu bekki í grunnskóla að gera.
„Ungmennum gefst kostur á að koma til okkar ef þeim finnst að þeir þurfi að tala um eitthvað sem á þeim hvílir og það getur verið í raun hvað sem er. Hjá okkur hafa þau aðgang að fagfólki og þjónustan er ókeypis. Allir koma til okkar á eigin forsendum og stýra ferðinni. Um er að ræða lágþröskuldaþjónustu, sem þýðir að þeir sem til okkar koma þurfa ekki að vera með neinar greiningar eða tilvísanir til þess að fá þjónustu,“ segir Erla Lind. „Oft vilja ungmennin bara spjalla við einhvern utanaðkomandi og fá ráðgjöf um framhaldið.“
Misalvarleg mál
Hún segir að þau ungmenni sem leiti til Bergsins beri upp misalvarleg mál, en ekkert vandamál sé of lítið eða stórt til að um það megi ræða. „Ungmennin geta leitað til okkar með í raun hvaða mál sem þeim liggur á hjarta og hafa áhyggjur af. Vandinn sem þau eru að glíma við er allra handa. Við skimum fyrir kvíða, þunglyndi og streitu og vissulega eru nokkuð margir sem skora hátt á þeim lista en aðrir eru með vægari einkenni. Það er allur gangur á því,“ segir Erla Lind.
Nýjast
-
Drekinn
Eftir að hafa haft forgöngu um smíði líkana af skuttogurum ÚA fannst Sigfúsi Ólafi Helgasyni ljóst að í togarasafnið vantaði síðutogara. Eftir að hafa ráðfært sig við hóp manna varð það úr að nú skal stefnt að smíði líkans af síðutogaranum Harðbak 3 eða Drekanum eins og togarinn var oft nefndur, náist til þess nægjanlegt fé -
Fjöruböð í uppbyggingu á Hauganesi
Pottarnir í fjörunni á Hauganesi hafa notið mikilla vinsælda síðan þeim var komið fyrir. Nú eru áform um að bæta svæðið og byggja upp betri aðstöðu með góðri þjónustu sem sárlega hefur vantað. -
Búum til börn
Lög um fæðingarorlof tryggja foreldrum rétt til þess að hlúa að nýfæddu barni sínu, í dag lítur fólk á þennan rétt sem sjálfsagðan hlut en hann hefur svo sannarlega ekki alltaf verið það. Fyrir þessum rétti hefur verið barist og þar hefur Framsókn staðið vaktina í gegnum tíðina og tryggt réttindi fyrir foreldra og börn þeirra. Páll Pétursson kom með frumvarp um fæðingar- og foreldraorlof árið 2000 og Ásmundur Einar Daðason fylgdi því eftir með frumvarpi að nýjum heildarlögum um fæðingarorlof árið 2020. -
Staða skólasálfræðings við VMA lögð niður næsta haust
Staða skólasálfræðings við Verkmenntaskólann á Akureyri verður lögð niður frá og með næsta hausti. Sálfræðingur tók fyrst til starfa við VMA haustið 2012, fyrst í 50% stöðugildi í tilraunaskyni en síðan í auknu starfshlutfalli eða 75%. Eftirspurn eftir þjónustu sálfræðings er mikil, en hlutverk hans er að veita nemendum ráðgjöf, fræðslu og bjóða þeim sem á þurfa að halda upp á einstaklingsviðtöl. Oft hefur fallið í hlut sálfræðings að frumgreina vanda nemenda og meta þörf á meðferðarúrræði. -
,,Dáleiðsla frábær leið til að vinna úr áföllum"
„Ég hef alltaf haft áhuga á andlegum málum, trúað á eitthvað meira en vísindin og bæði fundið, séð og heyrt í gegnum ævina. Það er samt ekki fyrr en núna undanfarna mánuði sem þetta er að banka meira á dyrnar hjá mér enda hefur þetta verið töluvert feimnismál og nóg af fordómum bæði í kringum mig og hið innra með sjálfri mér. Þetta finnst mér þó vera að breytast eða kannski er það bara það að ég er farin að umgangast fleira fólk sem er á þessari sömu línu,“ segir Hulda Ólafsdóttir sem ásamt fleirum stendur fyrir Dáleiðsludeginum í Hofi á Akureyri næstkomandi laugardag, 11. maí frá kl. 13 til 17. -
Nöfn fólksins sem létust í umferðarslysi í Eyjafirði
Fólkið sem lést í umferðarslysinu á Eyjafjarðarbraut eystri skammt norðan við Laugaland þann 24. apríl hét Einar Viggó Viggósson, fæddur 1995, og Eva Björg Halldórsdóttir, fædd 2001. Þau voru búsett á Akureyri. -
Vegagerðin setur upp sterkara vegrið ofan við Þelamerkurskóla
Vegagerðin stefnir að því að skipta út núverandi vegriði ofan við Þelamerkurskóla fyrir sterkara vegrið með öryggisendum að sögn Rúnu Ásmundsdóttur deildarstjóra hjá Vegagerðinni á Akureyri. Öryggisendar eru eftirgefanlegar einingar sem settar eru á enda vegriða í stað þess að leiða þau ofan í jörð -
Niðurstaða hönnunarútboðs vegna stækkunar á SAk
Nýr Landspítali (NLSH) hefur birt niðurstöðu í hönnunarútboði I2081 vegna nýs húsnæðis fyrir legudeild Sjúkrahússins á Akureyri (SAk). Hanna á nýbyggingu fyrir legudeildir í skurð- og lyflækningadeild og dag-, göngu- og legudeild fyrir geðdeild við núverandi húsnæði Sak. Gert er ráð fyrir að um 9.200 m2 nýbygging verði staðsett sunnan við núverandi byggingar og tengd eldra húsnæði. -
Þrír dæmigerðir dagar skemmtiferðaskipafarþega í júlí
Sú jákvæða þróun hefur átt sér stað undanfarin misseri að fjölgun hefur orðið á ferðum skemmtiferðaskipa hingað til lands. Frá sjónarhóli efnahagslífs, mannlífs og náttúru þetta afar jákvæð þróun, þá ekki aðeins vegna þess að skipin bæta mikilvægri gátt við samgönguleiðir til Íslands, heldur einnig vegna þess að engum hluta ferðaþjónustu er eins vel stýrt m.t.t. álags á innviði, náttúru og menningu.
Athugasemdir