Akureyri - Þátttaka eykst stöðugt í velheppnuðu verkefni Virkra efri ára
Verkefnið Virk efri ár hefur staðið yfir á Akureyri í rúmt ár og þykir vel heppnað.
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn.
„Þátttakan hefur aukist línulega síðan við hófum þetta verkefni, en í kringum 60 manns byrjuð með okkur í þessu í fyrra en nú eru þátttakendur um 140 talsins, þannig fjölgun í hópnum er stöðug og heldur bara áfram upp á við,“ segir Héðinn. Margir þátttakenda mæta í fleiri tíma en einn og þeir áhugasömustu víla ekki fyrir sér að mæta í nokkra tíma, en úrvalið er fjölbreytt og það er heldur ekki nein efri mörk sem segja fyrir um hversu marga tíma hver og einn velur að mæta í.
Héðinn segir að fyrsta ár verkefnisins hafi verið nýtt til að prófa ólíka kosti. „Sumt hefur slegið í gegn – og annað ekki orðið jafn vinsælt. Við erum áfram opin fyrir nýjum hugmyndum og uppástungum og höldum áfram með það sem virkar og virðist ná til þátttakenda,“ segir hann.
Nú er vetrardagskrá í gangi og verður fram í miðjan maí. Í byrjun júní verður skipti yfir í sumardagskrá og segir Héðinn að við það færist flest út úr húsi og verði utandyra. Meðal þess sem verður í boði í sumar er frisbígolf, gönguferðir, krokket, pokavarp (e. ,cornhole‘), hjólreiðarferðir og fleira.
Gjaldtaka hefst í haust
Ekki hefur verið innheimt gjald fyrir þátttöku og verður ekki fyrr en næsta haust. Héðinn segir að kostnaður verði að hámarki 4.900 krónur á mánuði og fyrir það gjald fæst aðgangur að öllu því sem í boði er, þátttakendur geti mætt í eins marga tíma og þeir kjósa. „Það eru umræður um að bjóða upp á annað og lægra gjald fyrir þá sem einungis vilja mæta í eitthvað eitt eða jafnvel tvennt, en við munum kynna þetta þegar endanleg niðurstaða fæst þegar nær dregur hausti,“ segir hann.
Frístundastyrkur frábær hugmynd
Umræðan um frístundastyrk fyrir eldri borgarar líkt og er í boði fyrir börn og ungmenni hefur staðið um skeið og hafa eldri borgarar óskað eftir slíkum styrkjum. „Þessi umræða hefur fengið góðan hljómgrunn enda frábær hugmynd, en enn er of snemmt að ræða útfærslur eða tímasetningar í því samhengi. Frístundastyrkur fyrir eldri borgara myndi styðja við Virk efri ár og auðvelda þátttöku, þ.e. þegar gjaldtakan hefst, en alls ekki koma í staðinn fyrir verkefnið,“ segir Héðinn.
„Sumt hefur slegið í gegn – og annað ekki orðið jafn vinsælt,“ segir verkefnastjórinn Héðinn Svarfdal Björnsson.
Pokavarp er eitt af því sem í boði og er hefur slegið í gegn.
Nýjast
-
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss. -
Nýta jarðvarma til framleiðslu á ofurfæðu úr smáþörungum
Mýsköpun er framsækið nýsköpunarfyrirtæki
Athugasemdir