Yfir 70 nemendur í Mennta- skólanum á Tröllaskaga
Láru Stefánsdóttur skólameistara var efst í huga þakklæti til allra þeirra sem stuðluðu að tilvist skólans ráðamönnum, íbúum og iðnaðarmönnum sem margir hverjir fórnuðu sumarfríi sínu fyrir nemendur skólans eins og þeir tóku fram sérstaklega sjálfir. Skólinn bætist í flóru tveggja framhaldsskóla við Eyjafjörð sem allir eru reknir af sveitarfélögum fjarðarins. Þar með bætast við skólapláss á svæðinu þrátt fyrir samdrátt um allt land. Yfir 70 nemendur eru skráðir í skólann sem eru nemendur að koma úr grunnskóla, nemendur sem snúa heim frá skólum fjarri heimabyggð en einnig eldri íbúar sem láta gamlan draum um að komast í skóla rætast.
Menntaskólinn á Tröllaskaga er býður upp á nám eftir nýrri námsskrá og eru nemendur sex til sjö annir að ljúka stúdentsprófi. Hægt er að stunda nám hefðbundnum brautum félags- og hugvísinda auk náttúruvísinda. Einnig er nám á listabraut þar sem nemendur geta valið um að sérhæfa sig í tónlist, fagurlistum og listljósmyndum, fisktæknibraut sem er í þróun ásamt ferða- og útivistarbraut.
Stofnað hefur verið undirbúningsfélag í samstarfi við sveitarfélög, fyrirtæki í fiskiðnaði, stéttarfélög og skólann til að byggja upp fisktæknibrautina. Svanfríður Jónasdóttir bæjarstjóri Dalvíkurbyggðar er formaður stjórnar en reynsla af fisktækninámi er rík í byggðarlagi hennar. Á skólasetningu menntaskólans færði Ólafur Marteinsson framkvæmdastjóri Rammans skólanum eina milljón króna að gjöf sem skólinn hefur ákveðið að fari í uppbyggingu fisktækninámsins.
Háfell færði skólanum stóran stein úr Héðinsfjarðargöngum og setti niður á lóð skólans en göngin eru einmitt forsenda fyrir tilvist skólans. Margir fleiri færðu skólanum fallegar gjafir, Akureyri, Grýtubakkahreppur, Hörgárbyggð og Svalbarðsstrandarhreppur færðu skólanum ljósmyndir af byggðarlögum sínum. Dalvíkurbyggð og Akureyri veglegar bókagjafir. Fjallabyggð færði skólanum listaverk eftir Garúnu, Sparisjóðirnir í Fjallabyggð veglega gjöf þannig að skólinn fer vel búinn af stað.
Á skólasetningunni voru flutt fjölmörg ávörp. Björn Valur Gíslason flutti ávarp menntamálaráðherra, en einnig fluttu ávörp fulltrúar sveitarfélaganna sem standa að skólanum ásamt Jóni Má Héðinssyni skólameistara Menntaskólans á Akureyri, Kristjáni L. Möller samgönguráðherra og Birki Jóni Jónssyni alþingismanni. Það er því með krafti og björtu brosi sem Menntaskólinn á Tröllaskaga hóf störf og tók á móti nemendum sínum sl. mánudag þegar skólastarf hófst formlega.
Nýjast
-
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna.
Athugasemdir