Vikudagur kemur út í dag
Í Vikudegi sem kemur út í dag sitja oddvitar þeirra flokka á Akureyri sem hafa ákveðið að bjóða fram í sveitarstjórnarkosningunum í vor fyrir svörum og svara fjórum spurningum. Þannig fá lesendur innsýn inn í stefnu flokkana og hvað þeir standa fyrir. Í blaðinu er rætt við oddvita Sjálfstæðisflokksins, Samfylkingarinnar, VG, Framsóknarflokksins, L-listans og Pírata.
-Árið 2017 fjölgaði einstaklingsviðtölum hjá Aflinu um 15,3% frá árinu 2016. Metfjöldi er í nýjum skjólstæðingum og athygli vekur að 3% þeirra sem leituðu til Aflsins í fyrra var vegna mansals.
-Vilhelm Einarsson, oft kallaður Villi Wilson, tók á dögunum við starfi rekstrarstjóra Hamborgarafabrikkunnar á Akureyri. Villi, sem er borinn og barnfæddur Akureyringur og Þórsari, er reynslubolti í veitingageiranum.
-Birkir Blær Óðinsson úr Menntaskólanum á Akureyri kom, sá og sigraði í Söngkeppni framhaldskólanna sem fór fram á Akranesi sl. helgi. Birkir Blær flutti lagið I Put A Spell On You eftir Screamin' Jay Hawkins. Dómnefnd valdi sigurvegarann en alls tóku 24 skólar þátt. Vikudagur fékk Birki Blæ í nærmynd.
-Keppni í Inkassou-deild karla og Pepsi-deild kvenna í knattspyrnu hefst um helgina og er rætt er við þjálfara Þórs/KA og Þórs um komandi tímabil.
-Kristrún Lind Birgisdóttir sér um matarhorn vikunnar og kemur með girnilegar uppskriftir. Kristrún starfar sem rágjafi hjá sínu eigin fyrirtæki sem heitir Trappa ráðgjöf og er staðsett á Akureyri.
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
,,Dáleiðsla frábær leið til að vinna úr áföllum"
„Ég hef alltaf haft áhuga á andlegum málum, trúað á eitthvað meira en vísindin og bæði fundið, séð og heyrt í gegnum ævina. Það er samt ekki fyrr en núna undanfarna mánuði sem þetta er að banka meira á dyrnar hjá mér enda hefur þetta verið töluvert feimnismál og nóg af fordómum bæði í kringum mig og hið innra með sjálfri mér. Þetta finnst mér þó vera að breytast eða kannski er það bara það að ég er farin að umgangast fleira fólk sem er á þessari sömu línu,“ segir Hulda Ólafsdóttir sem ásamt fleirum stendur fyrir Dáleiðsludeginum í Hofi á Akureyri næstkomandi laugardag, 11. maí frá kl. 13 til 17. -
Nöfn fólksins sem létust í umferðarslysi í Eyjafirði
Fólkið sem lést í umferðarslysinu á Eyjafjarðarbraut eystri skammt norðan við Laugaland þann 24. apríl hét Einar Viggó Viggósson, fæddur 1995, og Eva Björg Halldórsdóttir, fædd 2001. Þau voru búsett á Akureyri. -
Vegagerðin setur upp sterkara vegrið ofan við Þelamerkurskóla
Vegagerðin stefnir að því að skipta út núverandi vegriði ofan við Þelamerkurskóla fyrir sterkara vegrið með öryggisendum að sögn Rúnu Ásmundsdóttur deildarstjóra hjá Vegagerðinni á Akureyri. Öryggisendar eru eftirgefanlegar einingar sem settar eru á enda vegriða í stað þess að leiða þau ofan í jörð -
Niðurstaða hönnunarútboðs vegna stækkunar á SAk
Nýr Landspítali (NLSH) hefur birt niðurstöðu í hönnunarútboði I2081 vegna nýs húsnæðis fyrir legudeild Sjúkrahússins á Akureyri (SAk). Hanna á nýbyggingu fyrir legudeildir í skurð- og lyflækningadeild og dag-, göngu- og legudeild fyrir geðdeild við núverandi húsnæði Sak. Gert er ráð fyrir að um 9.200 m2 nýbygging verði staðsett sunnan við núverandi byggingar og tengd eldra húsnæði. -
Þrír dæmigerðir dagar skemmtiferðaskipafarþega í júlí
Sú jákvæða þróun hefur átt sér stað undanfarin misseri að fjölgun hefur orðið á ferðum skemmtiferðaskipa hingað til lands. Frá sjónarhóli efnahagslífs, mannlífs og náttúru þetta afar jákvæð þróun, þá ekki aðeins vegna þess að skipin bæta mikilvægri gátt við samgönguleiðir til Íslands, heldur einnig vegna þess að engum hluta ferðaþjónustu er eins vel stýrt m.t.t. álags á innviði, náttúru og menningu. -
Hraðamælingar og þau nelgdu.
Lögreglan á Norðurlandi eystra hvetur þá sem ökumenn sem eiga það eftir, að huga að dekkjaskiptum, að skipta út nagladekkjunum sem fyrst! ❌❌ Í ljósi veðurspár næstu daga er algjör óþarfi að vera á nagladekkjum núna. Við höfum skilning á því að það er háannatími hjá dekkjaverkstæðum á svæðinu um þessar mundir, en ítrekum þó hér með að ökumenn beri ábyrgð á því hvernig bifreið sem þeir aka sé útbúin Með hækkandi sól hefur talsvert borið á hraðakstri á svæðinu og því vill lögreglan beina þeim tilmælum til ökumanna að þeir flýti sér hægt. Nú er mikið af nýjum vegfarendum í umferðinni, m.a. á reiðhjólum og bifhjólum, og því afar mikilvægt að sýna aðgæslu. Sérstaklega er viðbúið að reiðhjólamenn verði áberandi í umdæminu næstu vikurnarnar og mánuði. Sem fyrr er nauðsynlegt að allir í umferðinni sýni tillitssemi því þá gengur allt betur og öruggar fyrir sig. Þá upplýsist það einnig hér með að lögreglumenn hjá embættinu munu næstu daga, sem og í allt sumar, halda uppi öflugu hraðaeftirliti hvort sem það er innanbæjar eða utan þéttbýlis. 🚨🚔 Góða helgi ☀️ -
Bóngóður sjálfboðaliði heiðraður
Gunnar Frímannsson sjálfboðaliði Eyjafjarðardeildar fékk heiðursviðurkenningu sjálfboðaliða á aðalfundi Rauða krossins á Íslandi fyrr í þessum mánuði. „Gunnar er jákvæður, traustur og afar bóngóður sjálfboðaliði,“ segir í umsögn um hann. -
Bjarmahlíð, þjónustumiðstöð hefur verið starfrækt í 5 ár
„Bjarmahlíð er rekin með styrkjum en óskastaðan er sú að komast á fjárlög en þannig mætti nýta tíma sem fer í að eltast við peninga í reksturinn til að auka þjónustuna enn frekar,“ segir Kristín Snorradóttir teymisstjóri hjá Bjarmahlíð, þolendamiðstöð á Akureyri. Fimm ár eru um þessar mundir frá því starfsemin hófst og var tímamótanna minnst með afmælishófi á Múlabergi í gær, miðvikudag. -
Borgarhólsskóli fór með sigur af hólmi í Fiðringi
Fiðringur á Norðurlandi var haldinn í Hofi þriðja sinn í gærkvöldi, 8. maí. Tíu skólar af Norðurlandi tóku þátt í ár og sýndu afrakstur vinnu sinnar
Athugasemdir