Þungur rekstur Listasafnsins
Stjórn Akureyrarstofu vill að farið verði nú þegar í hagræðingu í rekstri Listasafnsins á Akureyri og stefnt verði að því að hann verði innan fjárhagsáætlunar. Að óbreyttu stefnir í um 18 milljóna króna tap á rekstri Listasafnsins á yfirstandandi ári. Safnstjóri Listasafnsins mætti á fund stjórnar Akureyrarstofu nýverið og fór yfir endurskoðaða fjárhagsáætlun safnsins fyrir árið 2019. Stjórnin telur þær hugmyndir sem lagðar voru fram á fundinum hins vegar ekki fullnægjandi og hefur falið sviðsstjóra í samvinnu við fjársýslusvið að vinna úttekt á rekstri Listasafnsins á yfirstandandi rekstrarári.
Dræm miðasala og kaffihúsið gengur illa
Nýtt og endurbætt Listasafn var formlega vígt fyrir tæpu ári síðan eftir stórfelldar endurbætur og stækkun á húsakynnum þess. Endurbæturnar kostuðu alls um 700 milljónir kr. Hilda Jana Gísladóttir, formaður stjórnar Akureyrarstofu, segir stjórnina hafa fylgst náið með rekstri Listasafnsins á fyrsta starfsárinu eftir umfangsmiklar breytingar.
„Því miður hefur fjárhagsáætlun á fyrri hluta ársins ekki gengið eftir og fyrir því virðast vera nokkrar ástæður. Sem dæmi má nefna að eftir að áætlunargerð fyrir yfirstandandi ár lauk síðasta haust var keypt talsvert af nauðsynlegum stofnbúnaði inn í safnið og þess vegna er leiga vegna þeirra kaupa ekki inn í fjárhagsáætlun og veldur skekkju,“ segir Hilda Jana. Þá hafi miðasala ekki staðist væntingar og einnig hefur Listasafnið orðið af tekjum vegna þess að rekstur einkaaðila á kaffihúsi gekk ekki sem skyldi.
Beðið með ákvörðun um næstu skef
„Stjórn Akureyrarstofu taldi eðlilegt að bregðast hratt við og fara nú þegar í úttekt á rekstri safnsins til þess að greina ítarlega hvers vegna fjárhagsáætlun hefur ekki staðist. Þegar sú úttekt liggur fyrir tökum við ákvörðun um næstu skref,“ segir Hilda Jana.
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir