Ófrávíkjanleg krafa um uppbyggingu flugvallarins
Ég horfði á endursýningu af bæjarstjórnarfundi frá þriðjudeginum 16. október s.l. á N4 daginn eftir. Þar var aðalmálefnið Akureyrarflugvöllur eftir
ágæta framsögu Hildu Jönu um samgönguáætlun fyrir árin 2019-2023 og 2019 2033.
Eins og stundum áður var umræðan langdregin og óþarfa málskrúð, m.a. til að mæra síðasta ræðumann og fólk þyrfti endilega að sína sig í pontu. Í lok fundar var síðan borin upp eftirfarandi ályktun og samþykkt með 11 samhljóða atkv.
„Bæjarstjórn Akureyrar lýsir yfir miklum vonbrigðum með að í þessari samgönguáætlun sé ekki gert ráð fyrir fjármögnun Akureyrarflugvallar. Það samræmist hvorki byggðaáætlun stjórnvalda né umræðu um mikilvægi þess að dreifa ferðamönnum um landið. Þá hvetur bæjarstjórn Akureyrar ríkisstjórnina til að ljúka við löngu tímabæra eigendastefnu Isavia, ekki seinna en um áramótin 2o18/2019“.
Orð eru til alls fyrst en vantar svo sárlega oft á tíðum að fylgja þeim eftir af þeirri hörku, sem til þarf þegar að ríkivaldið á í hlut og þýðir þá ekki að sýna neinn liðleskjuhátt. Framsóknarflokkurinn er t.d. með liðónýtan samgönguráðherra, sem enga fjárveitingu ætlar næstu 5 árin til Akureyrarflugvallar. Það hefði ekki verið úr vegi eins og raunar ég hef bent á áður að bæjarstjórnin sýndi lit með því að láta ýta úr hlössunum, sem fengust gefins úr Vaðalheiðargöngum í flughlaðið, svo ekki sé minnst á að koma á strætóferðum úr flugvelli inn í bæ, en margsinnis er búið að óska eftir því. Það þýðir nefnilega aldrei að sitja bara með hendurnar í klofinu á sér og gera ekki neitt því úræðin detta ekki af himnum ofan.
Gríðarleg nauðsyn uppbyggingar
Það er mikið í húfi því fréttir herma að Breska ferðaskrifsofan Super Break hafi hug á að tvöfalda flugumferð sína frá Bretlandi til Akureyrar í vetur og viðræður séu í gangi við hollenska ferðaskrifstofu um leiguflug þaðan. Það er talað um að hvorki meira né minna en 29 brottfarir frá 18 flugvöllum í Bretlandi frá desember n.k. til mars á næsta ári. Þarna er um að ræða þúsundir ferðamanna til Akureyrar og jafnvel talað um áætlunarflug í kjölfarið. Það væri ekki ónýt búbót í bænum.
Það hefur einnig komið til tals sérstaklega frá einum bæjarfulltrúa í bæjarstjórn að bærinn taki yfir rekstur flugvallarins en það lýst öllum ekki vel á og hefur Hilda Jana lýst þar andstöðu og það, sem kannski meira er að hinn vísi maður Ari Fossdal, sem hefur helgað Akureyrarflugvelli krafta sýna í nær 27 ár er algjörlega andvígur því. Og hver veit betur? Hann er einmitt maðurinn, sem best er fallinn til að segja til um hvernig uppbyggingu flugvallarins er best háttað til að koma honum í ásættanlegt ástand. Í þessu máli er svo gífurlega mikið í húfi og miklir hagsmunir í veði að enga bið þolir uppbygging Akureyrarflugvallar.
Mér dettur í hug það, sem ég hef áður komið inn á, að fyrir NA kjördæmi eru 10 Þingmenn, sem er 1/6 þingliðsins og þar af eru 5 frá Akureyri. Þarna eru m.a. ráðherrann Kristján Þór, formaður Samfylkingarinnar, Logi Már, frá Miðflokknum Anna Kolbrún, og flugumferðarstjórinn Njáll Trausti. Einnig vil ég minna á að formaður Miðflokksins og fyrrv. forsætisráðherra Sigmundur Davíð var til skamms tíma búsettur hér í bæ og trúi ég ekkki öðru en að hann yrði liðtækur í málinu.
Bæjarstjórnin þarf að taka á sig rögg og hóa þessu fólki öllu saman á fund eða fundi og jafnvel taka hina þingmennina úr NA kjördæmi með. Þetta verður að gerast strax. Þessir 10 þingmenn með ráðherrann innanborðs geta reddað málinu strax þar, sem svo gífurlega mikið er í húfi eins og fyrr segir. Það treysta allir Akureyringar á ykkur sam hvar í flokki þið standið. Þetta er nánast neyðarkall.
-Hjörleifur Hallgríms.
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir