Mótmæla niðurfellingu almenningssamgangna austan Húsavíkur
Verkefnisstjórnir Brothættra byggða á Norðausturhorninu, Raufarhafnar og framtíðar og Öxarfjarðar í sókn, hafa sent frá sér eftirfarandi ályktun vegna niðurfellingar almenningssamgangna:
„Stjórn Eyþings samþykkti á fundi 22.08.2017 að hætta að þjónusta svæðið austan Húsavíkur með Strætóferðum. Þjónustan hefur þegar verið felld niður og það eru engar áætlunarferðir á svæðinu. Með ákvörðuninni er stórlega vegið að þjónustu við íbúa á svæðinu og þeirri uppbyggingu sem á sér stað í dag. Með þessu er verið að dæma svæðið óaðgengilegt fyrir aðra en einkabílaeigendur. Það skerðir möguleika fólks sem vill eiga búsetu á svæðinu að sækja nám og störf út fyrir svæðið, til dæmis ungmenni í námi á Húsavík, Laugum eða Akureyri. Einnig er þetta er skellur fyrir ferðaþjónustuna. Ferðaþjónusta er mest vaxandi atvinnuvegurinn í dag á svæðinu og þessi skerðing dregur úr allri slíkri starfsemi.
Í dag eru starfskraftar og fjárhæðir lagðar í að styrkja svæðið og hefur orðið nokkur ávinningur í verkefnum en svona ákvarðanir setja þar mikið strik í reikninginn og koma fyrir framþróun í nokkrum markmiðum. Það er hastarlegt að á sama tíma og íbúar, stoðkerfi, sveitarfélög, landshlutsamtök og ríki taka höndum saman í byggðarþróunarverkefnum skuli þjónusta hins opinbera vera felld niður með þessum hætti.
Í dag mega póstbílar og aðrir flutningabílar ekki taka farþega. Í dreifðari byggðum þar sem markaðsbrestur er á þjónustu varðandi farþegaflutninga er óhjákvæmilegt að endurskoða slíkar reglur án tafar með það að augnamiði að nýta ferðir sem eru til staðar og þannig komast til móts við íbúa hvað varðar þjónustu.“ JS
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir