Mitt mat á metani
Við Íslendingar höfum skuldbundið okkur til að mæta markmiðum Parísarsamkomulagsins. Það þýðir að þetta er sameiginleg ábyrgð landsmanna en hvað get ég sem einstaklingur gert? Stóriðjan er víst í sér kerfi og hefur því ekkert með okkar skuldbindingar að gera. Ég er ekki í útgerð þannig að ég hef lítil áhrif á skipaflotann, ég er ekki bóndi þannig að lítið geri ég í landbúnaðinum og ég á ekki neitt uppþurrkað land þannig að ekki fylli ég í neina skurði. Að auki er öll raforka sem ég nota kolefnislaus og hitinn í húsinu kemur frá umhverfisvænum jarðhita.
En ég á bíl. Í okkar daglega lífi eru samgöngur einmitt stóra en jafnframt aðgengilegasta málið í Parísarsamkomulaginu. Í dag standa engar tæknilegar hindranir í vegi fyrir því að fara á fullt í orkuskipti í samgöngum; hindranirnar búa eingöngu í höfðinu á okkur.
Ég hef heyrt allar útgáfur af mögulegum afsökunum fyrir því að fólk treystir sér ekki til að kaupa rafmagns eða metanbíl. Þeir bara henta ekki við hinar og þessar aðstæður.
En er það svo? Tökum eitt lítið dæmi. Það er hægt að kaupa nýjan sjálfskiptan metan fólksbíl á um 3,5 milljónir. Svona til áréttingar er rétt að minna á að metan er umhverfisvænt ódýrara eldsneyti sem er framleitt á Akureyri. Það er vissulega ekki hægt að kaupa metan um allt land en metanbílar eru reyndar líka með tank í fullri stærð fyrir bensín þannig að það er í rauninni ekki vandamál. En þeir eru ekki 4x4 og maður ferðast nú ekki mikið um hálendi Íslands eða í bullandi ófærð á slíkum bílum.
Allt í lagi, mikið rétt, en hver er lausnin við því? Margir Íslendingar hafa leyst þetta með því að kaupa sér jeppa. Segjum nú að sá sem ætlar að kaupa sér nýjan jeppa kaupi sér frekar t.d. metan VW Golf eða G-tech Skoda.
Í fyrsta lagi munar alla vega um 5 milljónum á innkaupsverði á nýjum metan VW Golf og nýjum góðum jeppa.
Í öðru lagi, miðað við meðalakstur og eldsneytiskaup í 5 ár, er munurinn á innkaupum plús eldsneyti 5,5 milljónir. Fyrir þá upphæð er hægt að leigja stóran nýjan jeppa (skv. verðskrá Hölds) í 150 daga sem þýðir 30 dagar á ári á þessu 5 ára tímabili.
Risastór samviskuspurning er því: Hversu marga daga á ári nota jeppaeigendur jeppann á vegum sem fólksbíll kemst ekki vegna aðstæðna eða færðar? Ég er ansi hræddur um að hjá flestum séu þetta afar fáir dagar, sem þýðir að nánast alla daga eru menn að ferðast um á of stórum bíl sem eyðir of mikilli olíu og mengar of mikið.
Með Parísarskuldbindingum okkar eru olíueyðsla og útblástur einstaklinga ekki lengur einkamál hvers og eins. Ef allir halda áfram að kaupa og keyra stóra jeppa mun einfaldlega leggjast á þjóðina alla, líka þá sem eiga umhverfisvænni bíla, kostnaður við kaup á kolefniskvóta til að uppfylla bindandi skuldbindingar. Er það ásættanlegur þjóðarskattur vegna gerviþarfa allt of margra bílaeigenda?
Auðvitað er til fólk sem kemst illa af án stórra bíla og verður að vera á þeim áfram en í nútíma vegakerfi landsins verðum við að fara að viðurkenna að það er frekar lítill hópur. Golfinn er eitt dæmi um lausn á því að fá sér nýjan umhverfisvænan bíl sem mögulega hentar ekki við allar aðstæður. Síðan er til fullt af öðrum lausnum, eins og jepplingar sem eru tengiltvinnbílar og svo auðvitað Tesla sem er 100% rafmagnsbíll með mikla drægni og fjórhjóladrif.
Höfundur er framkvæmdastjóri Vistorku ehf
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir