Hvað verður um ruslið sem við flokkum?
Akureyringar standa framarlega þegar kemur að því að flokka rusl en undanfarin ár hafa bæjarbúar flokkað lífrænt, plast, gler, pappa, og blöð svo eitthvað sé nefnt. Ekki eru þó allir sem vita hvað verður um það rusl sem flokkað er dagsdaglega á heimilum bæjarbúa og hvernig það er endurnýtt.
Vikudagur ákvað að kannað hvað verður um ruslið en þar kemur m.a. í ljós að margt af því sem við flokkum fer til Hollands í endurvinnslu.
Lífrænn úrgangur er fyrirferðarmikill á heimilum og fyrirtækjum og sú tunna einna fljótust að fyllast. Það segir okkur t.d. að matarsóunin er alltof mikil, en það er önnur saga og ekki til umfjöllunar hér. Lífræna ruslið er losað í Moltu þar sem úrgangurinn er jarðgerður. Þá fer sláturúrgangur einnig í Moltu. Almennt heimilissorp er urðað í Stekkjarvík, skammt frá Blönduósi. Baggaplasti er safnað, það baggað og flutt til Hollands á markað. Í sumum tilfellum er það flutt til Hveragerðis, í for- og endurvinnslu.
Þá er endurvinnsluefni úr endurvinnslutunnum flokkað sundur í flokkunarstöðunni á Hlíðarvöllum í eftirfarandi flokka: Bylgjupappi sem fluttur er til Hollands á markað þar, fernur/ sléttur pappi sem einnig fer til Hollands, dagblöð/tímarit sem fara til Moltu í jarðgerð og/eða til Hollands, málmumbúðir sem losast hjá málmendurvinnslum Furu eða Hringrás sem bæði eru með starfsstöðvar hér á Akureyri. Plastumbúðir eru fluttar til Sví- þjóðar til frekari flokkunar og þaðan á markað. Rafhlöður eru fluttar til Efnamóttökunnar til flokkunar og þaðan til eyðingar.
Þá er allt gler losað í námu Steypustöðvar Akureyrar (Skútabergs) í Krossanesi þar sem það er malað og nýtt til uppfyllingar.
Á grenndarstöðvum bæjarins eru ílát undir undir átta flokka. Efnið sem þar safnast fer ekki í flokkun í flokkunarstöðinni heldur er það baggað og flutt út, og/eða losað á áðurnefnda losunarstaði eftir tegund efnisins. Til viðbótar eru stórir úrgangsflokkar sem tekið er á móti á Gámasvæðinu; timbur er tætt og flutt til Moltu sem og garðaútgangur eins og greinar og gras.
Raftæki sem flokkuð eru eftir gerð og hvort þau innihalda spilliefni en mest af þeim er flutt til Efnamóttökunnar í Hafnarfirði og þaðan til eyðingar eða í endurvinnslufarveg, allt eftir samsetningu tækja. Þá eru tölvur hlutaðar í sundur í Fjölsmiðjunni og prentplötur og aflgjafar fluttir suður á meðan kassinn fer í Hringrás eða Furu.
Bæjarbúar hafa slakað á flokkun
Helgi Pálsson, rekstrarstjóri hjá Gámaþjónustu Norðurlands, segir að heilt yfir séu Akureyringar samviskusamir þegar kemur að því að flokka rusl. „En það hefur þó heldur slaknað á því síðustu misseri. Við erum að urða rétt undir 50% af heimilisúrgangi sem er auðvitað frábært,“ segir Helgi. „Íbúar í fjölbýli þurfa helst að bæta sig sýnist okkur og þá er flokkun í mörgum orlofsíbúðum mjög slök,“ segir Helgi Pálsson.
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir