Hús vikunnar: Hafnarstræti 86 (Verslunin Eyjafjörður)
Í síðustu viku vorum við stödd við Hafnarstræti 86a, aldargamalt, reisulegt timburhús og nú færum við okkur að næsta húsi norðan við, Hafnarstræti 86.
Hafnarstræti 86 reistu byggingarmeistararnir Jónas Gunnarsson og Sigtryggur Eyjólfsson fyrir Ólaf Eyjólfsson árið 1903. Sigtryggur og Jónas voru mjög umsvifamiklir í húsbyggingum í upphafi síðustu aldar og byggðu mörg stórhýsi, sem flest standa enn, auk þess að reka timburverslun. Mörg húsanna komu tilhöggvin frá Noregi og mun Hafnarstræti 86 hafa verið eitt þeirra. Húsið er tvílyft plankabyggt timburhús með háu risi og miðjukvistum, auk smærri kvists norðan megin á framhlið. Á bakhlið er kvisturinn „útstæður“ og neðan við hann útskot, jafn hátt húsinu. Á suðurgafli er einning útskot með svölum og sólskálum og er það mjög prýtt útskurði og skrautlegum „pilum“ í svalahandriði. Allt er húsið bárujárnsklætt, bæði veggir og þak.
Skömmu eftir að húsið var byggt eignaðist það hinn valinkunni athafnamaður Magnús Sigurðsson á Grund og rak þar verslun sína um nokkura ára skeið. Kristján Árnason, sem unnið hafði í Grundarverslun eignaðist húsið á 2. áratug 20. aldar og rak þar verslun sína, Verslunina Eyjafjörð, um langt árabil. Síðar tók Gunnar, sonur Kristjáns, við rekstri verslunarinnar. Hann stækkaði við verslunina og byggði við húsið til norðurs árið 1939. Sú bygging var rifin um 1990. Ýmsar verslanir voru í húsinu og viðbyggingunni eftir tíð Verslunarinar Eyjafjarðar, sem starfrækt var fram yfir 1960. Má þar nefna m.a. bíla- og vélasölu, sjónvarpstækjaverslun og tískuvöruverslun. Síðustu áratugi hefur húsið verið íbúðarhús að öllu leyti, og nú eru í því fjórar íbúðir.
Hafnarstræti 86 er eitt af reisulegri og skrautlegri timburhúsum bæjarins og sannkölluð miðbæjarprýði. Svalir og sólskálar á suðurhlið og kvistir gefa því einstaklega skemmtilegan svip. Myndin er tekin fyrir áratug, 6. mars 2010.
Nýjast
-
Þjónustunefnd AA leitar að framtíðarhúsnæði
Brýnt er að ráðast í gagngerar endurbætur á húsinu að Strandgötu 21 þar sem AA-samtökin á Akureyri hafa haft aðstöðu sína um langt árabil. -
Hitaveitur þarfnast athygli
Norðurorka rekur hitaveitu í Ólafsfirði og Reykjaveitu í Fnjóskadal auk hitaveitu á Akureyri og nágrannabyggðum. Þær veitur þarfnast athygli að því er fram kom í máli Eyþórs Björnsson forstjóra Norðurorku á aðalfundi félagsins. -
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel.
Athugasemdir