Focus heldur tónleika á Græna hattinum
Helgin á Græna Hattinum verður fjölbreytt að vanda hefst með tónleikum Eyþórs Inga í kvöld, fimmtudagskvöld. „Eyþór Ingi er án efa einn af okkar fremstu söngvurum í dag. Hann hefur einnig getið sér gott orð fyrir að vera mögnuð eftirherma. Hér er á ferðinni alveg hreint mögnuð blanda af þessu tvennu og gott betur. Eyþór hefur farið sigurför um landið, einn síns liðs, með píanóið, gítarinn og röddina að vopni,“ segir í tilkynningu. Tónleikarnir hefjast kl. 21.00.
Hollenska prog-rock hljómsveitin Focus heimsækir Ísland í annað sinn um helgina og verða á Græna hattinum á föstudagskvöldið. Fyrir tveimur árum kom sveitin á Græna hattinn og hélt þá einhverja eftirminnilegustu tónleika sem þar hafa verið haldnir og vildu þeir endurtaka leikinn. Focus er þekktasta hljómsveit Hollands og hefur gefið út 10 plötur og eru um þessar mundir að vinna að þeirri elleftu. Á tónleikunum flytja þeir öll sín þekktustu lög, auk þess sem einhver splunkuný lög fá að heyrast. Nú nýlega átti þeirra frægasta lag „Hocus Pocus“ stóra rullu í hinni gríðarvinsælu kvikmynd Baby Driver. Focus eru einnig með tónleika á Hard Rock Cafe í kvöld, fimmtudagskvöld og Egilbúð Neskaupsstað lau.23.sept. Tónleikarnir á Græna hattinum hefjast kl. 22.00.
AC/DC, hinni goðsagnakenndu hljómsveit, sem á mest seldu rokkplötu allra tíma, Back In Black, og hátt í 200 milljón plötur seldar um heim allan á rúmlega 40 ára ferli, verður gert hátt undir höfði laugardagskvöldið 23. september. Á tónleikunum fá aðdáendur sveitarinnar að heyra lög eins og Back in black, Thunderstruck, You shook me all night long, Highway to hell, Hells bells, Let there be rock og fleiri stórsmelli. Hljómsveitina skipa þeir Stefán Jakobsson (söngur), Dagur Sigursson (söngur), Ingó Geirdal (gítar), Franz Gunnarsson (gítar), Magnús Magnússon (babies) og Guðni Finnsson (bassa). Tónleikarnir hefjast kl. 22.00.
Nýjast
-
„Sjávarútvegurinn er á undan stjórnvöldum í innleiðingu umhverfisvænnar tækni“
Hákon Þröstur Guðmundsson útgerðarstjóri Samherja var endurkjörinn í stjórn Samtaka fyrirtækja í sjávarútvegi ( SFS) á ársfundi samtakanna sem haldinn var 3. mai s.l. Hákon Þröstur þekkir vel til starfsemi SFS, var í stjórn 2019 – 2020 og samfellt frá 2022. Hann er menntaður skipstjórnarmaður og var í liðlega tvo áratugi skipstjóri á skipum Samherja, síðustu sautján árin hefur hann hins vegar starfað á útgerðarsviði félagsins. -
Þjónustunefnd AA leitar að framtíðarhúsnæði
Brýnt er að ráðast í gagngerar endurbætur á húsinu að Strandgötu 21 þar sem AA-samtökin á Akureyri hafa haft aðstöðu sína um langt árabil. -
Hitaveitur þarfnast athygli
Norðurorka rekur hitaveitu í Ólafsfirði og Reykjaveitu í Fnjóskadal auk hitaveitu á Akureyri og nágrannabyggðum. Þær veitur þarfnast athygli að því er fram kom í máli Eyþórs Björnsson forstjóra Norðurorku á aðalfundi félagsins. -
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar.
Athugasemdir