Akureyrarbær styrkir N4 um tæpar 10 milljónir króna
Akureyrarbær hefur gert samning við N4 um kaup bæjarins á kynningarefni framleiddu af N4 á árinu 2018. Samningurinn hljóðar upp á tæpar tíu milljónir króna og gildir út árið. Lagður var fram viðauki fyrir fjárhagsárið 2018 til að standa straum af samningnum og er mætt með lækkun á handbæru fé.
Guðmundur Baldvin Guðmundsson, formaður bæjarráðs, segir í samtali við Vikudag að samningurinn snúi að sjónvarpi N4. Spurður hvaða hag bærinn sjá í þessum samningi segir hann að bæjaryfirvöld sjái tækifæri til að koma því betur til skila hvað sé að gerast í bæjarmálunum, og tekur fram að fleiri sveitarfélög á landsbyggðinni hafi farið sömu leið með samningum við N4 og tryggja með því dreifingu um land allt.
„Samningurinn er hugsaður til þess að kynna fjölbreytta starfsemi Akureyrarbæjar og með því að gera þennan samning við N4 er hægt að koma efninu á framfæri í sjónvarpi um land allt í gegnum dreifikerfi sem N4 er hluti af. Það er ýmislegt að gerast sem við bæjarfulltrúarnir viljum koma betur á framfæri,“ segir Guðmundur.
Spurður hvort öðrum fjölmiðlum hér á svæðinu standi sambærilegur samningur til boða svarar Guðmundur: „Með því að gera umræddan samning við N4 er tryggt að efni og umfjöllun um það sem er að gerast í sveitarfélaginu fer út á dreifikerfið þeirra og er þar með sýnilegt um land allt.“
Eins og Vikudagur fjallaði um fyrr í vor stóð rekstur N4 tæpt og gaf stjórn fyrirtækisins út heimild til að leita að auknu hlutafé inn í fyrirtækið. Stjórn N4 fékk heimild til að auka hlutaféð um 50 milljónir en fyrirtækið velti um 200 milljónum á síðasta ári.
Nýjast
-
Ferðalag traktors út í Flatey á Skjálfanda
Það er meira en að segja það að flytja traktor út í eyju -
Orkuskipti í samgöngum á Akureyri fara vel af stað
„Við höfum séð örlítil merki þess undanfarin ár að raforkunotkun er að potast aðeins upp á við,“ segir Stefán H. Steindórsson sviðsstjóri hjá Norðurorku. Raforkunotkun á Akureyri hefur staðið í stað um árabil þó svo að bærinn hafi stækkað og íbúum fjölgað. -
Ingvi Quartet, með tónleika á LYST í Lystigarðinum í kvöld
Kvartett Ingva Rafns Ingvasonar, Ingvi Quartet, heldur tónleika á LYST í Lystigarðinum í kvöld og hefjast tónleikarnir kl 20.30. -
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum.
Athugasemdir