AK-Extreme um helgina: 200 vörubílaferðir af snjó í Gilið
Mikill áhugi er á mótinu og verða fimm erlendir keppendur í snjóbrettakeppninni. Mynd/Þórir Tryggvason.
Snjóbretta- og tónlistarhátíðin AK Extreme fer fram á Akureyri um helgina, dagana 5.-7. Apríl. Hátíðin er haldin Hlíðarfjalli og í miðbæ Akureyrar, nánar tiltekið í Gilinu, Sjallanum og Græna Hattinum.
Hápunktur AK Extreme verður Eimskips gámastökkið í Gilinu á laugardagskvöldið 7. apríl en þar koma saman færustu snjóbrettamenn Íslands ásamt erlendum keppendum þar sem þeir keppa um AK Extreme titilinn og hringinn. Mikill undirbúningur hefur staðið yfir alla vikuna vegna hátíðarinnar.
Hilmar Þór Sigurjónsson er einn af þeim sem stendur að hátíðinni og hann hefur staðið í ströngu í vikunni við undirbúning. „Það fer öll vikuna í undirbúning og þetta er hörkupúl,“ segir Hilmar í samtali við Vikudag. Veðrið er hagstætt fyrir aðstandendur mótsins en búist er við frosti næstu daga og kyngdi niður snjónum þegar blaðamaður ræddi við Hilmar. „Finnur verktaki hefur hjálpað okkur mikið en hann hefur safnað snjó í hauga víðsvegar um bæinn. Ef hann væri ekki með okkur í þessu þá væri þetta ekki hægt.“ Hilmar segir að vörubílar fari um 200 ferðir í Gilið til að flytja snjó. „Við lentum í vandræðum í fyrra vegna snjóaleysis og það var okkur dýrt, en þetta er mun betra í ár. Eins og staðan er núna er mikil snjókoma og veðurspáin er þannig að snjórinn ætti að halda.“
Markmiðið að fá fólk í bæinn
Hilmar segir eitt meginmarkmið hátíðarinnar sé að fá fólk í bæinn. „Við viljum fá sem flesta hingað til að njóta með okkur og hátíðin hefur notið gríðarlegra vinsælda. Það eru fáir snjóbretta-og vélsleðaáhugamenn sem sitja heima hjá sér þegar hátíðin fer fram. Til marks um áhugann þá höfum við aldrei verið með jafnmarga erlenda keppendur og í ár og við lentum eiginlega í vandræðum vegna þess að það var svo mikil ásókn erlendis frá. Við höfum ekki lent í því áður og þetta er lúxuvandamál.“
Hilmar Sigurjónsson fyrir framan gámana í Gilinu en þeir eru fimm á hæðina. Mynd/Þröstur Ernir
Halldór Helga snýr aftur
Alls verða fimm erlendir keppendir á snjóbrettum og tveir á skíðum. Þá munu þeir bræður Halldór og Eiríkur Helgasynir taka þátt, en þetta er í fyrsta sinn í nokkur ár sem Halldór keppir í Gámastökkinu en hann þykir einn fremsti í sínu fagi í heiminum. „Það er mjög gaman að fá Halldór aftur. Hann er stærsta nafnið í bransanum og því frábært að fá hann aftur til leiks. Hann er einnig góður vinur okkar og við viljum hafa alla með.“ Hátíðin hefst í dag, fimmtudag upp í Hlíðarfjalli með fjallabruni. Á föstudeginum heldur dagskráin áfram í Hlíðarfjalli en að á laugardagskvöldinu kl. 21:00 er komið að Eimskips-gámastökkinu en þá fyllist gjarnan Gilið af fólki.
Mikill áhugi hjá bæjarbúum
„Áhugi er gríðarlegur hjá bæjarbúum,“ segir Hilmar um Eimskips-gámastökkið. „Við erum í góðu samstarfi við lögregluna um lokanir og annað og það lýsir því ágætlega hversu mikill mannfjöldi safnast hér saman í Gilinu að við þurfum að huga að því að það verði ekki öngþveiti,“ segir Hilmar, sem verður vakinn og sofinn yfir keppninni næstu daga. „Það eru margir klukkutímar sem fara í þetta,“ segir Hilmar. Opnunarpartý AK Extreme verður haldið á Græna hattinum í kvöld, 5. Apríl. Öflug tónleikadagskrá verður í boði í Sjallanum föstudaginn 6. og laugardaginn 7. apríl en þar koma m.a. fram Aron Can, Emmsjé Gauti, JóiPé X Króli, Birnir, Úlfur Úlfur, Flóni, GDRN, KÁ-AKÁ, Young Karin, DJ SURA, Yung Nigo Drippin og fleiri.
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir