Tillaga að tröppum niður Stangarbakkann á Húsavík
Tillaga að nýjum tröppum á gönguleiðinni af Stangarbakkanum á Húsavík ofan í fjöru litu nýlega dagsins ljós. Tillagan er unnin af fyrirtækinu Faglausn sem vann þær með danskri arkitektastofu Arkitektladen. Eigandi hennar er Øjvind Andersen arkitekt sem Almar Eggertsson einn eigenda Faglausnar kynntist á námsárum sínum í Danmörku.
Staðsetningin er í suðurenda hafnarsvæðisins og myndar tengingu upp á upphitaðan göngustíg sem liggur suður í bæinn. „Það er virkilega fallegt útsýni þarna og veðursælt,“ segir Almar. Og bætir við að hönnun Øjvinds og Arkitektladen á stiganum sé mjög skemmtileg, hún falli vel að landinu og geti um leið orðið að frábærum áningarstað.
Starfsfólk Faglausna
Hinsta óskin að koma til Íslands
Eiginkona Øjvinds, Dorthe sem átti við veikindi að stríða átti sér sína hinstu ósk, sem var að ð koma til Íslands og varð Húsavík fyrir valinu sem áfangastaður í ferðinni. Hún var mjög veik á þeim tíma sem ferðin stóð yfir þannig að á meðan fjölskyldan fór í ógleymanlega hvalaskoðun beið Dorthe rétt sunnan við „stigann“ og málaði þar mynd. Dorthe lést í janúar síðastliðnum.
Tillögu hefur verið skilað inn til Norðurþings en Almar segist ekki vita hvar í ákvörðunarferlinu málið sé, en vonast að sjálfsögðu til að Faglausn fái að fylgja verkefninu eftir til enda.
Faglausn tekur að sér fjölbreytt verkefni
Fyrirtækið Faglausn var stofnað árið 2009 á Húsavík og hefur nú fyrir nokkru einnig opnað skrifstofu á Akureyri Fyrirtækið er vaxandi en þar starfa nú 6 starfsmenn, byggingarfræðingar og tækniteiknarar.
Faglausn er hönnunar- og ráðgjafa, sér um allar teikningar frá fyrstu tillögu að framkvæmd. Faglausn býður einnig verkumsjón og eftirlit með framkvæmdum, kostnaðaráætlanir, fasteignaskoðanir og eignaskiptayfirlýsingar svo eitthvað sé nefnt.
Svona þekkja lesendur svæðið í dag
Nýjast
-
Hagnaður af rekstri Sparisjóðs Suður-Þingeyinga 205 milljónir króna
Aðalfundur Sparisjóðs Suður-Þingeyinga var haldinn 8. maí s.l. í félagsheimilinu Breiðumýri í Reykjadal. Rekstur sparisjóðsins gekk vel á síðasta ári, hagnaður af starfseminni var 204,7 milljónir króna eftir skatta. Um síðustu áramót voru heildareignir sparisjóðsins 13,1 milljarðar króna og hafa aukist um 840 milljónir á milli ára. Innlán voru á sama tíma um 11,5 milljarðar. Eigið fé sparisjóðsins var 1,3 milljarður í árslok og lausafjárstaða er sterk. Í stjórn sparisjóðsins voru kjörin Andri Björgvin Arnþórsson, Elísabet Gunnarsdóttir, Eiríkur H. Hauksson, Margrét Hólm Valsdóttir og Sigríður Jóhannesdóttir. Varamenn, Bergþór Bjarnason og Pétur B. Árnason. Stuðningur við íþróttastarf barna og ungmenna HSÞ Á aðalfundinum var tilkynnt að Sparisjóðurinn muni styrkja íþróttastarf barna og ungmenna hjá aðildarfélögum Héraðssambands Þingeyinga (HSÞ) um samtals 11 milljónir króna á árinu. Nánari útfærsla verður kynnt aðildarfélögunum á næstunni. -
Samkomulag um eins árs framlengingu á samstarfsamningi bæjarins og ríkisins um menningarmál undirritaður
Lilja Alfreðsdóttir, menningar- og viðskiptaráðherra, og Ásthildur Sturludóttir, bæjarstjóri, undirrituðu í gær samkomulag um eins árs framlengingu á samstarfsamningi bæjarins og ríkisins um menningarmál og gildir hún út árið 2024. -
Líforkuver leitar eftir búnaði til að hreinsa metan
Félagið Líforkuver ehf. var stofnað í lok síðasta árs, til að fylgja eftir áformum um uppbyggingu líforkuvers á Dysnesi. Líforkuver ehf. hefur leitað eftir vilja stjórnar Norðurorku til að fá að nota, þegar fram í sækir, þann búnað sem nú er nýttur til hreinsunar á metangasi, til hreinsunar á metani í fyrirhuguðu metanveri. Ef vilji til samstarfs um þetta mál er fyrir hendi, myndi stjórn Líforkuvers ehf. bjóða Norðurorku að leggja búnaðinn inn í óstofnað félag sem hlutafé. Stjórn Norðurorku hefur tekið jákvætt í erindið að því gefnu að notkun búnaðarins verði hætt hjá Norðurorku. -
Auto ehf bregst ekki við tilmælum HNE um tiltekt á lóð
Ekki hefur verið brugðist við kröfum Heilbrigðisnefndar Norðurlands eystra um tiltekt á lóð fyrirtækisins Auto ehf. á Setbergi á Svalbarðsströnd, en farið var fram á slíkt í byrjun febrúar síðastliðnum. Forgangsverkefni var að fjarlæga ökutæki og aðra lausamuni sem blasa við frá þjóðvegi. Á sama fundi voru forsvarsmenn fyrirtækisins hvattir til að geyma ökutæki sín á til þess ætluðum svæðum. Númerslausum bílum í eigu fyrirtækisins er enn komið fyrir hér og hvar innan bæjarmarka Akureyrar, en frá áramótum hafa um 20 bílar í eigu félagsins verið teknir í vörslu bæjarins. -
Mental ráðgjöf og Mögnum sameina krafta sína í þágu geðheilbrigðis á vinnustöðum á Norðurlandi.
Mental ráðgjöf, brautryðjandi í stefnumótandi nálgun til eflingar geðheilbrigðis á vinnustöðum, og Mögnum, öflugt ráðgjafafyrirtæki á sviði mannauðsmála á Akureyri hafa tekið höndum saman og áætla að vinna í nánu samstarfi í þágu geðheilbrigðis á vinnustöðum á Norðurlandi. -
Lokaorðið - Áhrifamáttur bæjarmiðla
Ég sem Húsvíkingur þekki vel til bæjarblaða. Víkurblað, með Jóhannes Sigurjónsson í stafni, var ætíð lesið spjaldanna á milli í hverri viku. -
Litla Hryllingsbúðin hjá Leikfélagi Akureyrar í haust
Stórleikkonan Ólafía Hrönn Jónsdóttir leikur í söngleiknum Litla Hryllingsbúðin sem Leikfélag Akureyrar setur upp í Samkomuhúsinu í haust. Hún fer með hlutverk tannlæknisins. Kristinn Óli Haraldsson, tekur þátt í uppsetningunni en Króli mun leika Baldur blómasala. -
Lóðarhafi við Hamragerði fengið um 1,4 milljónir í dagsektir vegna umgengni
„Við höfum sent út reikninga fyrir um 1,4 milljónum króna frá því samþykkt var að leggja dagsektir á lóðarhafa við Hamragerði 15,“ segir Leifur Þorkelsson framkvæmdastjóri Heilbrigðiseftirlits Norðurlands eystra. Dagsektir voru fyrst lagaðar á 26. febrúar síðastliðinn vegna brota um umgengni og þrifnað utan húss á starfssvæði nefndarinnar sem og vegna brota á meðhöndlun úrgangs. -
Drekinn
Eftir að hafa haft forgöngu um smíði líkana af skuttogurum ÚA fannst Sigfúsi Ólafi Helgasyni ljóst að í togarasafnið vantaði síðutogara. Eftir að hafa ráðfært sig við hóp manna varð það úr að nú skal stefnt að smíði líkans af síðutogaranum Harðbak 3 eða Drekanum eins og togarinn var oft nefndur, náist til þess nægjanlegt fé
Athugasemdir