Menningararfleifð Leikfélags Húsavíkur til fyrirmyndar
Leikfélag Húsavíkur frumsýnir á laugardag leikverkið Óvitar eftir okkar ástsælasta barnabókahöfund, Guðrúnu Helgadóttur í leikstjórn Stefáns Sturlu Sigurjónssonar.
Verkið skrifaði Guðrúnu í tilefni af barnaári Sameinuðu þjóðanna árið 1979 og var sett upp í Þjóðleikhúsinu sama ár. Það sló strax í gegn og hefur verið sett upp víða síðan þá.
Óvitar gerist í heimi þar sem börnin fæðast stór og verða dugleg að minnka og þroskast. En þó að fullorðna fólkið sé orðið mjög lítið hugsar það mest um sjálft sig og vinnur myrkranna á milli. Þar til vinirnir Finnur og Guðmundur taka málin í sínar hendur og setja allt á annan endann.
Stefán Sturla Sigurjónsson leikstýrir uppsetningunni. Myndir/epe
Allt orðið klárt fyrir frumsýningu
Blaðamaður Vikublaðsins leit við á æfingu á mánudag og ræddi við leikstjóra sýningarinnar en hann var fullur af lofyrðum um leikhópinn sem að þessu sinni er í yngri kantinum, þó í bland við eldir og reyndari leikara.
Blaðamaður gat ekki betur séð en að verkið væri þá þegar orðið bísna smurt í höndum ungu leikaranna og leikstjórinn tók heilshugar undir það.
„Veistu það að ég er með svo frábæran hóp að við erum bara klár. Nú erum við bara aðeins að fínisera fyrir frumsýninguna. Þau hafa staðið sig svo frábærlega vel þessir krakkar og þeir fullorðnu líka reyndar. Ég held að ég hafi sjaldan eða aldrei lent í því hjá leikfélagi að vera á þessum stað á þessum tíma,“ sagði Stefán Sturla og bætti við að eitthvað hlytu skólarnir að vera gera rétt miðað við getu krakkanna í leiklistinni.
„Jú, ég held að það sé bara skólastarfinu að þakka. Þau eru vel undirbúin og hafa tekið þátt í leiklistarstarfsemi og það hefur skilað sér. Bæði það hvað þau hafa gaman að þessu en ekki síður hvað þau eru tilbúin til að leggja mikið á sig til að ná þessum árangri,“ sagði leikstjórinn reynslumikli, ánægður með samtakamátt þátttakenda en sýningin er afar stór í sniðum.
Um 40 manns koma að sýningunni
„Það eru 25 manns á sviðinu eða í kringum það en í heildina eru þetta um 40 manns sem koma að sýningunni.“
Stefán Sturla er reynslumikill leikari, leikstjóri og kvikmyndagerðarmaður en þetta er í fyrsta sinn sem hann vinnur með Leikfélagi Húsavíkur og hann kveðst vera uppnuminn af menningarstarfinu á Húsavík.
Hrifinn af menningarstarfinu á Húsavík
„Ég verð að fá að segja það að menningararfleifð hjá Leikfélagi Húsavíkur og hvernig staðið er að málum í samfélaginu hér í bænum er til þvílíkrar fyrirmyndar að það eru fáir sem geta státað af því. Það að hafa svona aðstöðu skapar svo ótrúlega marga aðra möguleika fyrir samfélagið. Fólk sem er að taka þátt í svona uppsetningu lærir skapandi hugsun og skapandi lausnir og það skilar sér hvort sem fólk verður sjómenn, bílstjórar eða framkvæmdastjórar að það skilar inn í öll störf..
Guðrúnu Helgadóttur hefur alltaf tekist afburðar vel að skemmta áheyrendum sínum í gegnum verk sín og á því er engin undantekning í Óvitum. Þar fer saman grín, alvara og allt þar á milli.
„Eins og öll góð leikrit þá fáum við kómík, dramatík og pínulitla erótík,“ segir Stefán Sturla og hlær áður en hann heldur áfram: „Það eru hjón í verkinu sem eru fyrirmyndarhjón og svo eru önnur hjón sem eru ekki til jafn mikillar fyrirmyndar. Það sem Guðrún gerir í þessu er að hún veltir upp spurningum um virðingu fyrir öllum aldri. Það gerir hún í þessu tilfelli með því að snúa aldursbilinu á hvolf; að maður fæðist stór eða fullorðin í okkar skilningi og svo minkar maður og verðu lítill með aldrinum. Undirtónninn í verkinu er sá að maður eigi að bera virðingu fyrir hugmyndum og krafti barnanna, virða þeirra starf. Þetta er svona fjölskylduhugleiðing; staða fjölskyldunnar í nútímasamfélagi, í gríni og alvöru,“ segir Stefán Sturla að lokum.
Nú geta Húsvíkingar og nærsveitungar farið að drífa sig í leikhús. Frumsýning er á laugardag klukkan 16 en fyrstu sýningar eru komnar í sölu á vef LH: leikfelagid.is.
Nýjast
-
Hagnaður af rekstri Sparisjóðs Suður-Þingeyinga 205 milljónir króna
Aðalfundur Sparisjóðs Suður-Þingeyinga var haldinn 8. maí s.l. í félagsheimilinu Breiðumýri í Reykjadal. Rekstur sparisjóðsins gekk vel á síðasta ári, hagnaður af starfseminni var 204,7 milljónir króna eftir skatta. Um síðustu áramót voru heildareignir sparisjóðsins 13,1 milljarðar króna og hafa aukist um 840 milljónir á milli ára. Innlán voru á sama tíma um 11,5 milljarðar. Eigið fé sparisjóðsins var 1,3 milljarður í árslok og lausafjárstaða er sterk. Í stjórn sparisjóðsins voru kjörin Andri Björgvin Arnþórsson, Elísabet Gunnarsdóttir, Eiríkur H. Hauksson, Margrét Hólm Valsdóttir og Sigríður Jóhannesdóttir. Varamenn, Bergþór Bjarnason og Pétur B. Árnason. Stuðningur við íþróttastarf barna og ungmenna HSÞ Á aðalfundinum var tilkynnt að Sparisjóðurinn muni styrkja íþróttastarf barna og ungmenna hjá aðildarfélögum Héraðssambands Þingeyinga (HSÞ) um samtals 11 milljónir króna á árinu. Nánari útfærsla verður kynnt aðildarfélögunum á næstunni. -
Samkomulag um eins árs framlengingu á samstarfsamningi bæjarins og ríkisins um menningarmál undirritaður
Lilja Alfreðsdóttir, menningar- og viðskiptaráðherra, og Ásthildur Sturludóttir, bæjarstjóri, undirrituðu í gær samkomulag um eins árs framlengingu á samstarfsamningi bæjarins og ríkisins um menningarmál og gildir hún út árið 2024. -
Líforkuver leitar eftir búnaði til að hreinsa metan
Félagið Líforkuver ehf. var stofnað í lok síðasta árs, til að fylgja eftir áformum um uppbyggingu líforkuvers á Dysnesi. Líforkuver ehf. hefur leitað eftir vilja stjórnar Norðurorku til að fá að nota, þegar fram í sækir, þann búnað sem nú er nýttur til hreinsunar á metangasi, til hreinsunar á metani í fyrirhuguðu metanveri. Ef vilji til samstarfs um þetta mál er fyrir hendi, myndi stjórn Líforkuvers ehf. bjóða Norðurorku að leggja búnaðinn inn í óstofnað félag sem hlutafé. Stjórn Norðurorku hefur tekið jákvætt í erindið að því gefnu að notkun búnaðarins verði hætt hjá Norðurorku. -
Auto ehf bregst ekki við tilmælum HNE um tiltekt á lóð
Ekki hefur verið brugðist við kröfum Heilbrigðisnefndar Norðurlands eystra um tiltekt á lóð fyrirtækisins Auto ehf. á Setbergi á Svalbarðsströnd, en farið var fram á slíkt í byrjun febrúar síðastliðnum. Forgangsverkefni var að fjarlæga ökutæki og aðra lausamuni sem blasa við frá þjóðvegi. Á sama fundi voru forsvarsmenn fyrirtækisins hvattir til að geyma ökutæki sín á til þess ætluðum svæðum. Númerslausum bílum í eigu fyrirtækisins er enn komið fyrir hér og hvar innan bæjarmarka Akureyrar, en frá áramótum hafa um 20 bílar í eigu félagsins verið teknir í vörslu bæjarins. -
Mental ráðgjöf og Mögnum sameina krafta sína í þágu geðheilbrigðis á vinnustöðum á Norðurlandi.
Mental ráðgjöf, brautryðjandi í stefnumótandi nálgun til eflingar geðheilbrigðis á vinnustöðum, og Mögnum, öflugt ráðgjafafyrirtæki á sviði mannauðsmála á Akureyri hafa tekið höndum saman og áætla að vinna í nánu samstarfi í þágu geðheilbrigðis á vinnustöðum á Norðurlandi. -
Lokaorðið - Áhrifamáttur bæjarmiðla
Ég sem Húsvíkingur þekki vel til bæjarblaða. Víkurblað, með Jóhannes Sigurjónsson í stafni, var ætíð lesið spjaldanna á milli í hverri viku. -
Litla Hryllingsbúðin hjá Leikfélagi Akureyrar í haust
Stórleikkonan Ólafía Hrönn Jónsdóttir leikur í söngleiknum Litla Hryllingsbúðin sem Leikfélag Akureyrar setur upp í Samkomuhúsinu í haust. Hún fer með hlutverk tannlæknisins. Kristinn Óli Haraldsson, tekur þátt í uppsetningunni en Króli mun leika Baldur blómasala. -
Lóðarhafi við Hamragerði fengið um 1,4 milljónir í dagsektir vegna umgengni
„Við höfum sent út reikninga fyrir um 1,4 milljónum króna frá því samþykkt var að leggja dagsektir á lóðarhafa við Hamragerði 15,“ segir Leifur Þorkelsson framkvæmdastjóri Heilbrigðiseftirlits Norðurlands eystra. Dagsektir voru fyrst lagaðar á 26. febrúar síðastliðinn vegna brota um umgengni og þrifnað utan húss á starfssvæði nefndarinnar sem og vegna brota á meðhöndlun úrgangs. -
Drekinn
Eftir að hafa haft forgöngu um smíði líkana af skuttogurum ÚA fannst Sigfúsi Ólafi Helgasyni ljóst að í togarasafnið vantaði síðutogara. Eftir að hafa ráðfært sig við hóp manna varð það úr að nú skal stefnt að smíði líkans af síðutogaranum Harðbak 3 eða Drekanum eins og togarinn var oft nefndur, náist til þess nægjanlegt fé
Athugasemdir