Starfsemi SAk eykst milli ára
Bjarni Jónasson forstjóri Sjúkrahússins á Akureyri (SAk) segir að til þess að geta þróað starfsemi sjúkrahússins áfram á eðlilegan hátt sé þörf á 350 mkr. viðbótarfjárveitingu næsta ár. Það segir hann m.a. vera vegna samþjöppunar þjónustu í heilbrigðisumdæminu og aldurssamsetningu íbúa. Þetta kemur fram í pistli sem Bjarni ritar á vef SAk.
Þar segir hann að á tímabilinu janúar til október á þessu ári sé rekstrarhalli upp á 29 mkr eða 0,5 prósent m.v. fjárveitingu. Fram kemur að launaliðir séu 68 mkr. umfram áætlun og að almennur rekstrarkostnaður sé 76 mkr. umfram áætlun. Á móti komi hins vegar að sértekjur eru 115 mkr. hærri en gert var ráð fyrir. „Uppgjörið endurspeglar aukin umsvif miðað við síðastliðið ár eins og starfsemistölurnar bera með sér. Það er því mikilvægt að viðhalda ráðdeild og aðgát í rekstrinum, skrifar Bjarni í pistli sínum.
Stytting biðtíma gengið vel
Bjarni kemur inn á að starfsemi SAk hafi verið mun meiri fyrstu tíu mánuði þessa árs en árið á undan. Mest er aukingin á handlækningasviði, en sú aukning endurspeglar þá vinnu sem sem sjúkrahúsið hefur ráðist í varðandi styttingu biðtíma eftir gerviliðaaðgerðum og augasteinsaðgerðum. „Það kemur því ekki á óvart að dvalir á skurðlækningadeild eru 21% fleiri miðað við fyrra ár. Legudögum í heild fjölgaði um 1% og sjúklingum á legudeildum um 8%,“ skrifar Bjarni.
Þá kemur jafnframt fram að meðal legutími sjúklinga styttist, fæðingum hafi fjölgað um 4 prósent,aukning er á komum á bráðamóttöku og umtalsverð aukning á komum á dag- og göngudeildir. Súkraflugum hefur fjölgað um 60 frá því í fyrra eða 12 prósent.
Þá segist Bjarni vera bjartsýnn miðað við umræðuna um vilja stjórnamálamanna um að setja aukið fjármagn í heilbrigðiskerfið, að þær viðbótarfjárveitingar sem nauðsynlegar séu, skili sér á næsta ári.
Nýjast
-
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum.
Athugasemdir