Léleg snjóhreinsun gatna í bænum
Það hefur vakið allmikla athygli eftir að snjóaði töluvert fyrir stuttu hvað göturnar í bænum eru illa hreinsaðar. Þær eru margar það illar yfirferðar að líkja má við slæm þvottabretti á gömlum illfærum malarvegum. Þarna kemur að sýnist ekki nema eitt til. Þeir, sem stjórna snjóruðningstækjunum kunna ekki til verka, eða af einhverjum ástæðum skafa ekki göturnar eins og þarf, nefnilega alveg niður í malbik. Þar af leiðir eru flestar götur í bænum eins og fyrr segir að aka eftir þeim eins og slæm þvottabretti, sem verður til þess að bílarnir eru að hristast í sundur hvort, sem um er að ræða eldri, nýja eða nýlega bíla. Slæmt verður ástandið ef hlánar.
Kunningi minn einn, sem hafði verið á ferð um bæinn tók eftir því að hljóðið í bílnum breyttist. Eftir ítarlega skoðun sást að losnað hafði festing á púströri við allan skaksturinn og bútur úr því orðið einhvers staðar eftir. Skyldi bærinn greiða fyrir tjón af þessum sökum, ófærar götur?
Nokkrar götur í bænum eru illfærar vegna þess að þær hafa ekki verið mokaðar þegar þetta er skrifað og má nefna t.d. Þórunnarstræti norðan Þingvallastrætis, Mýrarveg og miðbæinn að stórum hluta. Vitað er um vinnuvélaeiganda hér í bæ mjög vandvirkan svo eftir er tekið og bera þess merki lóðir og bílaplön þar sem hann hefur verið að verki. Einhverra hluta vegna fær hann ekki vinnu hjá Akureyrarbæ og borið við að hans tæki séu ekki með næg hestöfl til að ráða við snjó mokstur, sem er auðvitað bull og rugl. Þarna hljóta að liggja að baki annarlegar hvatir því ég veit allt um hvað snjómokstur útheimtir mörg hestöfl við slíka vinnu. Sagt er að löngum hafi klíkuskapur loðað við Akureyrarbæ.
Rafmagnslaust
Nýverið kom fram hjá formanni bæjarráðs að ekki fengist nægt rafmagn til Akureyrar og af því leiddi að ekki væri hægt að bjóða hingað fyrirtækjum stórum né smáum til búsetu því það vanti rafmagn.
Hvað á þetta að þýða? Á sama tíma eru uppi háværar raddir um að flytja rafmagn úr landi og hver virkjunin af annarri er byggð. Maður spyr sig hvort þetta ástand sé vegna aumingjaskapar úr núverandi og fyrrverandi bæjarstjórnum, og margra alþingismanna úr flestum flokkum, sem eru hér í NA-kjördæminu, eða hvað er í gangi?
Er þetta ekki dæmalaust að láta viðgangast að stærsti þéttbýliskjarni utan höfuðborgarsvæðisins sé svo sveltur með rafmagn að standi allri atvinnuuppbyggingu á Akureyri fyrir þrifum. Takið nú hendur úr vösum.
Nýjast
-
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Berjumst fyrir okkar málefnum, en til þess þurfum við og okkar samtök að glaðvakna.
Undanfarið hefur nokkuð verið rætt um kjör okkar eldri borgara og hvernig við séum afskipt þegar kemur að kjarabótum. -
Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum. -
Fjármálalæsi Jöfnun stöðu allra barna
Við teljum afar brýnt að jafna stöðu allra barna þannig ekkert barn fari upp úr grunnskóla án þess að búa yfir lágmarksþekkingu í fjármálalæsi ekki frekar en börn fara út í umferðina án þess að kunna umferðarreglurnar.
Athugasemdir