Frá KDN - í kvöld byrjar boltinn að rúlla
Nú er Kjarnafæðimótið að rúlla af stað og er fyrsti leikurinn föstudaginn 8.desember. Við erum að sjálfsögðu full tilhlökkunar og getum ekki beðið eftir því að fara út á völlinn og keyra tímabilið í gang.
Nokkur atriði sem við viljum nefna fyrir mótið.
- Okkur áskotnaðist töluverður fjöldi af fólki á dómaranámskeið í haust. Liðin nota þetta mót til að skoða og prófa leikmenn og það sama á við um okkur dómara, við viljum gefa nýja fólkinu okkar tækifæri á því að spreyta sig í dómarastörfum. Við í KDN óskum þess að nýjum aðilum sem og reynslumeiri verði sýnd sú virðing sem þau eiga skilið fyrir að vilja leggja knattspyrnunni lið með framtaki sínu.
Einn brjálaður þjálfari, leikmaður eða stuðningsmaður getur hæglega orðið til þess að við sjáum viðkomandi dómara ekki aftur.
- Leiktímar geta breyst með stuttum fyrirvara og reynum við að upplýsa um það á facebooksíðunni.
- Leikirnir fara fram samkvæmt öllum venjulegum knattspyrnureglum og áherslum.
- Breyting á reglum um skiptingar: Skiptingar eru ótakmarkaðar þar til seinni hálfleikur er hafinn. Eftir það má skipta 5 leikmönnum í 3 stoppum.
- Fréttir,myndir og upplýsingar verða mjög reglulegar á á facebooksíðu okkar ,,Knattspyrnudómarafélag Norðurlands"
Hlökkum til að sjá ykkur, höfum gaman af og njótum þess að komast á völlinn aftur.
Með knattspyrnukveðju
Stjórn KDN
Nýjast
-
Fyrsti dagur ,,sumarsins" þar sem tvö skemmtiferðaskip heimsækja bæinn
Í dag er fyrsti dagur sumarsins þar sem tvö skip leggjast að bryggju á sama degi í Akureyrarhöfn. -
„Höldumst í hendur í gegnum þetta og styðjum hvert annað“
Formaður Framsýnar stéttarfélags (áður Verkalýðsfélag Húsavíkur) í 30 ár -
Ferðalag traktors út í Flatey á Skjálfanda
Það er meira en að segja það að flytja traktor út í eyju -
Orkuskipti í samgöngum á Akureyri fara vel af stað
„Við höfum séð örlítil merki þess undanfarin ár að raforkunotkun er að potast aðeins upp á við,“ segir Stefán H. Steindórsson sviðsstjóri hjá Norðurorku. Raforkunotkun á Akureyri hefur staðið í stað um árabil þó svo að bærinn hafi stækkað og íbúum fjölgað. -
Ingvi Quartet, með tónleika á LYST í Lystigarðinum í kvöld
Kvartett Ingva Rafns Ingvasonar, Ingvi Quartet, heldur tónleika á LYST í Lystigarðinum í kvöld og hefjast tónleikarnir kl 20.30. -
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann.
Athugasemdir