Skrifað undir samkomulag um Þór/KA í dag

KA og Þór hafa náð samkomulagi um áframhaldandi samstarf félaganna um sam­eig­in­leg­an meist­ara­flokk kvenna í knatt­spyrnu. Skrifað verður undir samkomulagið á Glerártorgi í hádeginu í dag. Þetta staðfesti Geir Krist­inn Aðal­steins­son, formaður Íþrótta­banda­lags Ak­ur­eyr­ar í gær. Um nokkrar grund­vall­ar­breyt­ingar verður að ræða og gild­ir samn­ing­ur­inn til loka tíma­bils­ins 2019.

Í nýja samkomulaginu er gert ráð fyrir meira samstarfi þar sem bæði félög hafa jafna aðkomu, rekstrinum sé þannig skipt til helminga. Kvennaráðið verður rekið á nýrri kennitölu en það hefur hingað til verið rekið á kenntölu Þórs. Bæði félög skipa jafn marga fulltrúa í ráðið.

Þá er einnig gert ráð fyrir að félögin eigi í auknun samstarfi um rekstur 2. flokks kvenna í fótbolta. Eins og áður hefur komið fram hefur verið ákveðið að Þór/KA leiki í hlutlausum búningum í sumar en liðið hefur undanfarin ár leikið í búningum Þórs.


Nýjast