Elí sendir frá sér nýja bók

Elí Freysson.
Elí Freysson.

Rithöfundurinn Elí Freysson hefur gefið út nýja bók sem nefnist Feigðarflótti. Þetta er sjötta bókin sem Elí sendir frá sér hér á landi en er þó ótengd hinum bókunum.

Í Feigðarflótta er Elí á kunnuglegum slóðum en bókin gerist í heimi þar sem heiðnu goðin, tröll, galdrar og forynjur eru raunverulegar. Systkinin Bárður og Magnhildur lifa af árás á bóndabæ, og neyðast til að leggja á fleiri daga flótta aftur heim. Á hælum þeirra eru mennskir óvinir sem og skelfilegur óvættur, og þurfa þau að beita kænsku, vopnfimi og þekkingu á hinu dulræna til að lifa af.

Bókin er 102 blaðsíður, sex kaflar og skiptast þau systkinin á að vera höfuðpersónan. „Ef vel fer núna fyrir jól ætla ég mér að skrifa framhald á næsta ári,“ segir Elí.


Nýjast