Ein með öllu og Bíladagar í eina sæng um versló

Það verður nóg um að vera á Akureyri um verslunarmannahelgina.
Það verður nóg um að vera á Akureyri um verslunarmannahelgina.

Ein með öllu verður haldin um verslunarmannahelgina að venju en þó í takt við nýja tíma, er fram kemur í tilkynningu. Þemað verður fjölskyldan og verður hátíðin með norðlensku sniði.

Fram kemur í tilkynningu að hátíðin verði full af smærri viðburðum alla helgina en Sparitónleikarnir, stærsta atriði síðustu ára, verða hins vegar ekki vegna fjöldatakmarkana. Þá verða Bíladagar haldnir á Einni með öllu en sú hátíð fer alla jafnan fram í kringum 17. júní.

Fjöldi norðlenskra listamanna munu vera með tónleika og aðra viðburði hér og þar um bæinn í bland aðra listamenn. Skógardagurinn verður haldinn í Kjarnaskógi og mömmur og möffins verða ásamt fleiri uppákomum og skemmtiatriðum í listigarðinum og tívolí verður í bænum.

Íslensku sumarleikarnir verða á sínum stað þar sem utanvegahlaupið Súlur Vertical verður með stærra og flottara sniði en þar bætist við Ultra vegalengd. Hjólamót Akureyri.bike verður á sínum stað og rafhjól fá sinn sess með skemmtilegri torfærutímatöku.


Nýjast