Akureyrarbær endurnýir samninga við íþróttafélögin

Sævar Pétursson framkvæmdastjóri KA, Ásthildur Sturludóttir bæjarstjóri, Ingvar Gíslason formaður KA…
Sævar Pétursson framkvæmdastjóri KA, Ásthildur Sturludóttir bæjarstjóri, Ingvar Gíslason formaður KA og Halla Björk Reynisdóttir forseti bæjarstjórnar.

Undanfarna daga hefur Akureyrarbær skrifað undir nýjan rekstrarsamninga við KA, Hestamannafélagið Létti og Skautafélagi Akureyrar og gilda samningarnir allir til ársins 2023. Á næstu dögum verður skrifað undir sambærilega samninga við Íþróttafélagið Þór og Golfklúbb Akureyrar.

Í samningunum er kveðið á um að félögin sjái um rekstur og hafi umsjón með mannvirkjum í eigu Akureyrarbæjar. Um er að ræða öll mannvirki á íþróttasvæði KA, Akureyrarvöll og vöktun á íþróttahúsi Naustaskóla eftir að skóla lýkur í tilfelli KA, rekstur reiðhallarinnar hjá Létti og rekstur skautahallarinnar hjá SA. Félögin skulu einnig annast alla þjónustu við almenning og við æfingar og mót á vegum félaganna og annarra sem nýta mannvirkin.

Ákvæði eru í samningunum um að félögunum sé skylt að halda bókhald um reksturinn, skila rekstraráætlunum og ársreikningi til Akureyrarbæjar. Að auki skulu félögin gera grein fyrir rekstrarstöðu tvisvar á ári á sérstökum fundum með þeim starfsmönnum Akureyrarbæjar sem hafa eftirlit með framkvæmd samninganna


Nýjast