VMA tekur þátt í Nordplusverkefni um margbreytileikann
Verkmenntaskólinn á Akureyri (VMA) tekur þátt í áhugaverðu verkefni um margbreytileika samfélaga fyrir Íslands hönd sem styrkt er af Nordplus.
Nordplus er menntaáætlun Norrænu ráðherranefndarinnar. Markmið áætlunarinnar er að efla og þróa norræna samvinnu í menntamálum á Norðurlöndum og Eystrasaltslöndum, styðja við norræn tungumál og menningu og stuðla að sameiginlegum menningarskilningi landanna.
Auk Íslands eru það Svíþjóð, Danmörk og Finnland ásamt fulltrúum frá Eistlandi og Litháen sem taka þátt í verkefninu. Verkefnið hefur yfirskriftina: „Promote tolerance-celebrate diversity“ sem gæti útlagst á íslensku sem: „Stuðlum að umburðarlyndi – Fögnum margbreytileikanum“. Þar er fjallað er um ýmsar hliðar margbreytileika samfélagsins í þeim löndum sem taka þátt í verkefninu.
Þátttakendur, bæði nemendur og kennarar munu hittast í öllum löndunum sex í vetur og stendur fyrsti samráðsfundurinn eða ráðstefnan nú yfir í VMA. „Hópurinn kom saman í VMA í gær, í dag fara hinir erlendu gestir í skoðunarferð austur að Goðafossi og í Mývatnssveit og á morgun hittast þátttakendurnir aftur í VMA og ljúka þessum fyrsta hluta verkefnisins,“ segir á heimasíðu VMA.
Á hverri ráðstefnu verða þrír nemendur frá hverju landi, auk kennara. Að sögn Katrínar Harðardóttur kennara í VMA liggur fyrir að í vetur fara nemendur af viðskipta- og hagfræðibraut í fimm ferðir út fyrir landssteinana, til þeirra fimm landa sem taka þátt. Átján nemendur koma til með að taka þátt í verkefninu fyrir hönd VMA.
Í umfjöllunarefni hvers lands er ákveðið þema. Að þessu sinni er fjallað um kynhneigð fólks frá ýmsum hliðum undir yfirskriftinni „Gender and sexuality in society,“ eða „Kyngervi og kynverund í samfélagi“. Sigrún Sveinbjörnsdóttir, sálfræðingur og transmaðurinn Henrý Steinn, nemandi í VMA fluttu í gær áhugaverð erindi um þessi málefni.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir