Verkefnin framundan
Á undanförnum árum hefur náðst ævintýralegur árangur í að rífa íslenskt efnahagslíf upp úr hjólförum stöðnunar. Fjármálaráðherra hefur lagt fram frumvarp um afnám hafta, skuldir ríkissjóðs hafa lækkað hratt á undanförnum árum, kaupmáttur launa hefur aldrei mælst meiri, útgjöld til heilbrigðismála hafa verið aukin, almenn vörugjöld voru afnumin, skattkerfið hefur verið einfaldað og viðskiptaumhverfi nýsköpunarfyrirtækja hefur verið eflt. Mikilvægt er að halda áfram á þessari braut.
Húsnæðismálin brenna mikið á fólki og þá sérstaklega ungu fólki sem er að stíga sín fyrstu skref á húsnæðismarkaðnum. Erfitt er að festa kaup á fyrstu fasteign og leiguverð hefur hækkað mikið á undanförnum árum. Lausnin við þessu er að auka framboð nýrra íbúða. Gera þarf breytingar á byggingarreglugerð og leggja áherslu á að einfalda hana og draga úr öðrum hindrunum í regluverki, t.d. með lækkun gjaldheimtu sveitarfélaga sem auka kostnað byggingaraðila. Það gerir þeim kleift að byggja ódýrari og hagkvæmari íbúðir sem sniðnar eru að þörfum ungs fólks sem er að stíga sín fyrstu skref á húsnæðismarkaði. Sveitar félög þurfa einnig að leggja hönd á plóg með því að auka framboð lóða til byggingar íbúðarhúsnæðis.
Við þurfum að skapa tækifæri fyrir ungt fólk með spennandi störfum og tækifærum hérna á Íslandi. Íslenskt atvinnulíf verður að vera samkeppnishæft ef vel menntað ungt fólk á að sjá hag sinn í því að leita tækifæra hérna heima. Besta leiðin til þess er að minnka skattheimtu og einfalda regluverkið. Það hjálpar fyrirtækjum og athafnasömum einstaklingum að sækja fram, stækka við sig og fjárfesta. Öflugt atvinnulíf skapar störf við hæfi fyrir vel menntað fólk.
Leggja þarf áherslu á að draga úr umsvifum hins opinbera á flestum sviðum. Ríkisvaldið á að sinna fáum, afmörkuðum verkefnum og sinna þeim vel. Í dag er staðan hins vegar sú að ríkisvaldið teygir anga sína alltof víða, með tilheyrandi kostnaði og óhagkvæmni. Með því að fækka verkefnum ríkisins væri hægt að lækka skattheimtu hins opinbera, sem skilar sér í hærri ráðstöfunartekjum einstaklinga og auðveldar ríkissjóði að greiða niður skuldir sínar hraðar en ella.
Standa þarf vörð um frelsi einstaklingsins til orða, athafna og viðskipta. Einstaklingar eiga sjálfir að fá að ráða því hvernig þeir haga lífi sínu í skjóli frá ríkisvaldinu. Það er til dæmis ekki hlutverk ríkisins að skipta sér af því hvaða nöfn foreldrar velja börnum sínum eða hvar fullorðið fólk verslar áfengar en löglegar vörur.
Sjálfstæðisflokkurinn hefur náð miklum árangri á liðnu kjörtímabili en betur má ef duga skal. Ég vil leggja mitt að mörkum og nýta tækifærin sem við stöndum frammi fyrir til frekari uppbyggingar og frjálsara samfélags. Sjálfstæðisflokkurinn þarf einnig að bjóða fram fjölbreyttan hóp fólks til setu á Alþingi, vera óhræddur við að veita ungu fólki brautargengi og sýna þannig að flokkurinn eigi samleið með ungu fólki.
Höfundur er laganemi og varaformaður SUS og býður sig fram í fjórða sæti á kjördæmisþingi Sjálfstæðisflokksins í Norðausturkjördæmi.
Nýjast
-
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Berjumst fyrir okkar málefnum, en til þess þurfum við og okkar samtök að glaðvakna.
Undanfarið hefur nokkuð verið rætt um kjör okkar eldri borgara og hvernig við séum afskipt þegar kemur að kjarabótum. -
Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum. -
Fjármálalæsi Jöfnun stöðu allra barna
Við teljum afar brýnt að jafna stöðu allra barna þannig ekkert barn fari upp úr grunnskóla án þess að búa yfir lágmarksþekkingu í fjármálalæsi ekki frekar en börn fara út í umferðina án þess að kunna umferðarreglurnar.
Athugasemdir