Þunglyndið tekið út fyrir fram
Árið 2017 fer ömurlega af stað. Ég hef verið þungur í lund bróðurpart þessara tveggja vikna sem liðnar eru af árinu. Nístingskuldinn, endalaust myrkrið og götóttur hljóðkúturinn undir bílnum mínum hefur samt ekkert með þunglyndi mitt að gera. Nýgangsett PanHam ríkisstjórn Bjarna „teflon“ Benediktssonar hefur reyndar ekki létt á áhyggjufullu sinni mínu en uppruna drunga míns er heldur ekki að finna þar.
Ég held með Liverpool, því fornfræga fótboltaliði frá samnefndri hafnarborg á Englandi og ég valdi mér það sjálfur. Það var reynar fyrir margt löngu þegar félagið var með alla helstu titla sem enskt knattspyrnulið getur unnið í fastri áskrift. Síðan eru liðin mörg ár og ég get sagt ykkur að þetta hlutskipti í lífinu að vera Liverpool-aðdáandi er líklega það erfiðasta sem nokkurri manneskju gæti dottið í hug að velja sér sjálf, fullkomlega ónauðbeygð.
Þessi pistill fer þannig af stað að halda mætti að ég hefði allt á hornum mér og sé í þann mund að fara úthúða mínu elskaða félagi og finna því allt til foráttu. Svo er nú aldeilis ekki raunin enda hefur þetta blessaða félag gefið mér fleiri gleðistundir en flest annað í tilveru minni. Það fylgir því bara svo mikill ólgusjór að vera stuðningsmaður Liverpool og stundum verður maður hreinlega sjóveikur. Það verður að viðurkennast að þetta frábæra félag hefur alltof oft verið í þeirri stöðu undanfarin ár að þurfa að rífa sig upp úr djúpum öldudal.
Staðan er reyndar með eindæmum góð í dag. Liðið situr í 2. sæti í ensku úrvalsdeildinni og bjartsýnustu Liverpoolmenn telja jafnvel að það geti farið alla leið í ár og unnið deild hinna bestu í fyrsta sinn í mjög langan tíma. Þá skal það strax tekið fram að ég er ekki einn þessara bjarsýnu manna, ég er í fullri hreinskilni svo svartsýnn gagnvart meistaratitli í ár að Stevie Wonder sér í öllum regnbogans litum við hliðina á mér.
Þetta er þungarokk
Það er búið að vera mestmegnis gaman að halda með Liverpool síðan þýski meistarasnillingurinn og kyntröllið Jurgen Klopp tók við liðinu á miðju síðasta tímabili. Stórkostlegur sóknarbolti, leifturpressa og mörk, mörk, mörk hafa einkennt leik liðsins undir Klopp. Til þess að vinir mínir sem engan áhuga hafa á fótbolta átti sig á því hvað ég er að tala um þá eru Liverpool eins og Slayer (ein bezta hljómsveit í heimi, fyrir þá sem ekki vita), undir stjórn Þjóðverjans. Og til að fá enn dýpri samanburð þá voru Liverpool eins Wham áður en Klopparinn tók við stjórnartaumnum.
Þá aftur að þunglyndinu, þið eruð eflaust farin að velta því fyrir ykkur hvers vegna ég er með þetta volæði,- Liverpool að spila eins og Slayer og í bullandi toppbaráttu. Hvað gæti mögulega verið að hrjá mig? Jú, sjáið þið til. Það er nefnilega fleira sem hangir á spýtunni. Þó skýringa á örlyndi Liverpoolaðdáandans undanfarna mánuði megi finna í þeirri velgengni sem hér að ofan er lýst, þá eru smá tvist í þeirri sögu.
Manchester United er lið sem flestir Liverpoolaðdáendur viðurkenna fúslega að þeir hati meira en pestina. Ekkert lið hefur unnið ensku deildina oftar en ManU (til styttingar) og við Poolarar þolum það ekki. Þess vegna hefur verið svo gaman að horfa upp á ManU-liðið ekki geta blautan skít undanfarin ár og það þrátt fyrir að eyða stjarnfræðilegum upphæðum í leikmenn sem svo hafa ekki nema í mesta lagi miðlungs getu.
Það hefur samt ekki verið fyrr en á yfirstandandi keppnistímabili sem það hefur haldist í hendur feikigott gengi Liverpool og fullkomin skita ManU-liðsins, sem lengi framan af hefur verið að dóla sér einhversstaðar rétt fyrir ofan miðja deild, auk þess að spila drepleiðinlegan fótbolta. Gleði okkar Poolara er búin að vera fordæmalaus og ósvikin.
Kvíðinn fyrir næsta leik
Nú er hins vegar gamalkunnur ótti að læðast að mér. Á morgun, sunnudag er dúkað fyrir stórslag þessara tveggja liða á heimavelli ManU, Old Trafford. Það er ekkert sem er meira niðurlægjandi fyrir Liverpool-stuðningsmann en að tapa fyrir ManU. Ekkert!
Núna er það líka extra vont því Liverpool er búið að vera svo mikið betur sett á töflunni en erkifjendurnir allt tímabilið og stuðningsmenn verið duglegir að minnast á það við öll möguleg tækifæri. ManU hefur hins vegar verið að vakna til lífsins, er nú búið að vinna níu leiki í beit og jafnvel boðið upp á skemmtilegan fótbolta inn á milli. Á sama tíma virðist vera komin einhver þynnka í Liverpool-partýið. Sóknarleikurinn hefur ekki verið svipur hjá sjón á nýju ári.
Við stuðningsmennirnir könnumst því miður allt of vel við þetta. Þetta er þessi slæmi kafli sem virðist koma á hverju tímabili og kæfa allar vonir okkar. Frasinn: „Við tökum þetta næst“ fer að heyrast æ-oftar. Ég vil samt ekki vera ræða þennan slæma kafla of mikið, ég vil ekki fyrir nokkra muni persónugera þennan slæma kafla of mikið, nóg er álagið samt. Það er bara svo sárt að við skulum finna okkur í þessum öldudal, einmitt þegar við þurfum að fara á Old Trafford og einmitt þegar ManU er í hörku formi.
Ég mun ekki svíkjast undan og kem til með að horfa á leikinn til enda þó óttinn sé að lama mig. Ég get að minnsta kosti huggað mig við það að ég kem aldrei til með að ganga einn í þunglyndi mínu eftir leik.
Höfundur er illa haldinn stuðningsmaður Liverpool
Nýjast
-
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum -
Vantraust og kerfishrun í málefnum fólks með ADHD
Aðalfundur ADHD samtakanna fta, haldinn 16. apríl 2024 skorar á Heilbrigðisráðherra að grípa nú þegar til aðgerða vegna þess kerfishruns sem blasir við í þjónustu hins opinbera við fólk með ADHD. Vegna aðgerðarleysis stjórnvalda á liðnum árum hafa biðlistar eftir greiningu og meðferð meira en tvöfaldast og nú bíða um fjögur þúsund einstaklingar eftir að komast í greiningarferli. Biðtími fullorðinna eftir ADHD greiningu og meðferð verður að óbreyttu vel á annan áratug hjá þeim sem nú hefja ferlið samkvæmt tilvísun Heilsugæslulæknis – vel á annan áratug!!
Athugasemdir