Þarf 300 milljónir til viðbótar á ári
Háskólinn á Akureyri verður að fá 300 milljón króna aukningu að raunvirði til að unnt sé að tryggja óskerta þjónustu við alla landsmenn og að viðhalda núverandi námsframboði. Þetta kom fram í tilkynningu sem Háskólaráð Háskólans á Akureyri sendi frá sér í dag.
Í fjármálaáætlun ríkisstjórnarinnar er ekki gert ráð fyrir aukningu á fjárveitingum til háskóla landsins næstu 5 árin. Framboð á námi og þjónustu háskóla landsins er því í verulegri hættu vegna fjárskorts. Í átakinu Háskólar í hættu hefur verið bent á þetta og rektorar allra háskóla hafa hvatt til að málefnið verði í forgangi hjá næstu ríkisstjórn. Það vantar verulega uppá að háskólar á Íslandi nái meðalframlagi á hvern nemenda í samanburði við meðaltal OECD landanna. Íslensku háskólarnir standa líka höllum fæti í samanburði við háskóla á Norðurlöndunum, þeim löndum sem við viljum helst bera okkur saman við.
Við gerð rekstraráætlunar fyrir Háskólann á Akureyri (fyrir árin 2017-2019) kemur þessi vandi berlega í ljós. Ljóst er að fáist ekki leiðrétting frá stjórnvöldum á fjárframlögum til háskólans getur hann ekki boðið uppá sama námsframboð og sömu þjónustu og hann hefur gert þrjá síðustu áratugi.
Fjárframlög verða að færast nær því sem gerist á Norðurlöndunum ef Háskólinn á Akureyri á að geta boðið uppá alþjóðlegt samkeppnishæft námsumhverfi. Framlög til Háskólans á Akureyri þurfa að hækka að raunvirði um 300 milljón króna á ári miðað við það sem nú er. Með þeirri aukningu væri hægt að ná jafnvægi í rekstri skólans og bjóða nemendum sambærilega þjónustu og gerist í samanburðarlöndum okkar.
Háskólinn á Akureyri 30 ára
Háskólinn á Akureyri verður 30 ára á næsta ári. Hann hefur verið í farabroddi hvað varðar aðgengi að námi með því að þróa og bjóða allt sitt nám í sveigjanlegu formi. Þannig hefur verið mögulegt að þjóna landinu öllu og styrkja fagstéttir kennara og hjúkrunarfræðinga um allt land ásamt því að mennta fólk til starfa í sjávarútvegi, iðjuþjálfun, félagsvísindum, viðskiptafræði og lögfræði – svo dæmi séu tekin. Alls hafa hátt í 4000 manns útskrifast frá Háskólanum á Akureyri og 75% þeirra hafa búið og starfað utan höfuðborgarsvæðisins á námstímanum. Þetta hefur hækkað menntunarstig á landsbyggðinni en um 80% nemenda starfa í sinni heimabyggð 5 árum eftir útskrift. Það væri köld gusa framan í íslensku þjóðina ef að háskólinn þyrfti að draga úr þjónustu og námsframboði á 30 ára afmælisári hans. Íslenskt samfélag þarfnast þess meira en nokkru sinni fyrr að geta boðið ungu háskólamenntuðu fólki störf í samkeppnishæfu umhverfi um allt land.
Háskólaráð Háskólans á Akureyri skorar á stjórnvöld og næstu ríkisstjórn að gera það að forgangsverkefni að tryggja háskólum landsins nægt rekstrarfé til framtíðar. Jafnframt þarf að tryggja að fjármögnun háskólanna verði í samræmi við stefnu Vísinda- og tækniráðs um jöfn framlög á við hvern nemanda á Norðurlöndunum.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir