Stærsta leiklistarsýning VMA
Leikfélag VMA fumsýndi Litlu hryllingsbúðina sl. föstudag. Tæplega 50 manna hópur kemur að sýningunni sem er sú stærsta hjá VMA til þessa. Listrænir stjórnendur eru Birna Pétursdóttir leikstjóri, Hera Björk Þórhallsdóttir raddþjálfi, Kristján Edelstein tónlistarstjóri og Friðrik Ómar Hjörleifsson sem veitti aðstoð við tónlist. Verkið segir frá hinum seinheppna og óörugga Baldri sem lifir tíðindalitlu og hálf óspennandi lífi. Hann vinnur í misheppnaðri blómabúð á versta stað í bænum, ásamt Auði, ástinni í lífi hans og herra Músnik, sem gerir þeim lífið leitt. Viðskiptin ganga illa en þegar dularfull planta verður á vegi Baldurs og ratar í búðargluggan, aukast viðskiptin og Baldur verður sífellt vinsælli og vinsælli sem vindur uppá sig með hryllilegum afleiðingum. Næstu sýningar eru um helgina, föstudaginn 28. okt. kl. 20:00 og laugardaginn 29. okt. kl.19:00 og svo powersýning kl. 22.00. Þá er einnig búið að bæta við lokasýningum sem fram fara 4. og 5. nóvember. Miðasala fer fram á mak.is.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir