Frábært nesti fyrir unga menn í fjallgöngur á sumrin og í skólann“
Steinunn A. Ólafsdóttir
„Frábært nesti fyrir unga menn í fjallgöngur á sumrin og í skólann“
„Í gegnum tíðina hef ég alltaf verið mikil uppskriftakelling og ekki bakað eða eldað án þess að hafa teskeiðarnar á hreinu. Mér hefur hins vegar farið mikið fram í að breyta til og betrumbæta uppskriftirnar a.m.k. að mínu mati,“ segir Steinunn A. Ólafsdóttir sjúkraþjálfari sem hefur umsjón með matarkrók vikunnar. „Hafraklattar eru ómissandi allt árið um kring. Þeir eru frábært nesti í fjallgöngur á sumrin og í skólann fyrir unga menn. Því borgar sig ekki að baka minna en tvöfalda uppskrift. Mjög gott er að frysta klattana og taka svo út eftir þörfum.
Hafraklattar úr Mosó:
1 bolli lint smjör
½ eða 2 dl matarolía
½ bolli sykur/hrásykur ½ ég sleppi þessu yfirleitt til að minnka sykurinn
1 bolli púðursykur
2 tsk vanillusykur
2 egg
Allt sett í skál og þeytt vel saman.
1,25 bollar hveiti
½ spelthveiti eða sambland af heilhveiti og hveiti
1 tsk matarsódi
½ tsk salt
1 tsk kanill ½ allt í lagi að setja minna eða meira
Þessu er síðan bætt útí þeyttu blönduna og hrært lítillega.
3 bollar haframjöl
200 gr rúsinur ½ líka hægt að setja döðlur, ber eða hnetur
Að lokum er þessu blandað saman við. Deigið á að vera frekar blautt. Búnar eru til kúlur, settar á bökunarplötu og flattar út. Ef kúlurnar eru mikið flattar út verða klattarnir stökkir en þykkari kúlur verða mýkri. Klattarnir eru bakaðir við 200°C í 7-8 mínútur. Mikilvægt er að baka þá ekki of lengi. Ekki láta ykkur bregða þó að þeir séu dúnmjúkir eftir baksturinn. Þeir dökkna aðeins og harðna þegar þeir kólna.
Við erum dugleg að grilla á sumrin og þá er þetta brokkólí-salat alveg ómissandi.
Brokkolí-salat:
1 brokkolíhaus skorið niður 
½ bolli rúsínur
¼ laukur skorinn smátt
Dressing :
1 bolli majones eða sýrður rjómi
2 msk hvítvínsedik
½ bolli ahorn sýróp
Dressingunni er hellt yfir og öllu blandað vel saman. Salatið er best ef það er búið til fyrirfram, látið standa í ísskáp í amk 10 klst fyrir neyslu og hrært oft í eða skálinni snúið. „Ég skora á systur mína, Elísu A. Ólafsdóttur, að koma með uppskriftir í næsta Matarkrók.“
Nýjast
-
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir