Ekki skal nota salt til hálkuvarna á götum Akureyrar
Í grein sem birt var á visir.is rétt fyrir jólin var því slegið upp í fyrirsögn að ég vildi nota salt á götur Akureyrar. Þegar ég rak augun í þessa frétt brást ég hratt við og afneitaði þessu í færslu á fésbókinni. Þá var fréttinni breytt og ég sagður vilja nota salt hóflega á götur Akureyrar.
Á Þorláksmessu var haft samband við mig frá Reykjvík síðdegis á Bylgjunni. Vildu þeir félagar ræða við mig um saltnotkun á götur Akureyrar sem hálkuvörn. Ég fékk þar tækifæri til að leiðrétta þessa frétt, en ég er í raun á móti því að nota salt til hálkuvarna nema í algjörri neyð.
Ég hef svo komist að því hvað veldur þessum misskilningi á afstöðu minni til saltnotkunar. Það er sú bókun sem er í fundargerð bæjarstjórnar Akureyrar 20.12.2016. Þar segir orðrétt:
„Gunnar Gíslason D-lista lagði fram breytingatillögu á kafla 2.1.11 Hálkuvarnir þannig að í Aðgerðum standi: Gerð verði skoðanakönnun meðal íbúa um leiðir til hálkuvarna og haldinn íbúafundur í kjölfarið. Takmarka skal notkun malarefna, eins og kostur er til að lágmarka myndun svifryks. Nota skal salt til blöndunar í hóflegu hlutfalli og önnur efni sé þess kostur.“
Þetta er ekki alls kostar rétt því í fyrirliggjandi tillögu að Umhverfis- og samgöngustefnu sem var verið að ræða á fundinum stóð í aðgerð 2.1.11 „Takmarka skal notkun malarefna, eins og kostur er til að lágmarka myndun svifryks. Nota skal salt til blöndunar í hóflegu hlutfalli og önnur efni sé þess kostur.“
Þar sem ég hef undanfarin tvö ár óskað eftir því að haldinn yrði íbúafundur til að ræða snjómokstur og hálkuvarnir í bænum, án árangurs, þótti mér það tilraunarinnar virði að koma fram með breytingartillögu á fundinum sem var svohljóðandi: „Gerð verði skoðanakönnun meðal íbúa um leiðir til hálkuvarna og haldinn íbúafundur í kjölfarið.“ Þessi breytingartillaga var samþykkt með 11 samhljóða atkvæðum.
En til hvers að gera skoðanakönnun og halda íbúafund í kjölfarið? Ástæðan er sú að hér verður ávallt mikil umræða um snjómokstur og hálkuvarnir á hverjum vetri og sitt sýnist hverjum. Það hefur reyndar verið sagt að hér búi hið minnsta 18.000 sérfræðingar á þessu sviði. Það má rétt vera en það gerir það því mikilvægara að taka umræðu um þessi mál. Hér á Akureyri hefur salt verið notað sem íblöndunarefni í möl sem borin er á ákveðin staði. Það hefur enginn verið spurður um það hvort þett sé það sem íbúar hér vilja almennt. Ég tel því fulla ástæðu til að kanna vilja íbúa hvað þetta varðar og ræða svo niðurstöðurnar í kjölfarið.
Það má einnig segja það sama um fyrirkomulag snjómoksturs. Það er full ástæða til að kanna hug fólks til hans. Akureyrarbær greiðir í venjulegu ári ríflega 100 milljónir í snjómokstur og hálkuvarnir og ríflega 30 milljónir í hreinsun gatna í kjölfarið. Þetta eru háar upphæðir og mörgum finnst nóg um. Auðvitað eigum við ávallt að reyna allt sem við getum til að halda kostnaði í lágmarki, en sumt er óhjákvæmilegt og stundum þurfum við að gera betur og það getur leitt af sér aukinn kostnað. Þetta er einmitt það sem þarf að kanna meðal íbúa og ræða. Við þurfum að ná ákveðinni sátt um þessi mál sé þess nokkur kostur og það verður ekki gert nema með virku samtali við íbúa.
Það er oft rætt um aukið íbúalýðræði á hátíðarstundum, hér er einmitt tækifæri til að standa við þau orð og taka umræðu við íbúa um mál sem flestir ef ekki allir hafa skoðun á. Ég geri ráð fyrir því að fljótlega verði könnun gerð og boðað til íbúafundar þar sem tillaga mín um það var samþykkt samhljóða.
Að lokum vil ég óska íbúum Akureyrar velfarnaðar á nýju ári og þakka samskipti og samveru á því liðna.
Höfundur er bæjarfulltrúi á Akureyri
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir