Blað allra landsmanna umboðslaust á Húsavík!
Fyrir fáeinum vikum var borið í öll hús á Húsavík bréf frá Morgunblaðinu, blaði allra landsmanna, þar sem óskað var eftir umboðsmanni til að annast dreifingu á blaðinu í bænum. Þessu flugriti var svo í annað sinn aldreift viku síðar eða svo.
Enn síðar hafði starfsmaður Moggans samband við ritstjóra Skarps, sem staðkunnugan mann í bænum, og spurði hvort hann gæti stungið upp á einhverjum sem hugsanlega væri tilbúinn að taka að sér þetta virðingarembætti, því engir höfðu brugðist við bænaskjali blaðsins og tekið því fagnandi að fá að dreifa fagnaðarerindinu til áskrifenda á Húsavík. En það símtal skilaði ekki heldur neinu.
Og niðurstaðan því sú að um þessar mundir er Morgunblaðið án umboðsmanns á Húsavík og Pósturinn sér um dreifingu á því til áskrifenda í bænum. Og þetta hefur það einnig í för með sér að helgarblað Moggans er ekki fáanlegt í lausasölu um helgar og ekki fyrr en eftir helgina (og telst því ekki lengur helgirit) og er sérlega bagalegt fyrir þá sem hafa það fyrir sið að kaupa helgarblaðið sérstaklega til að glíma við krossgátuna. Því ef krossgátufíklar geta ekki hafist handa við þrautina á laugardegi heldur þurfa að bíða fram á mánudag eða þriðjudag, þá er tíminn orðinn heldur naumur til að koma lausninni í póst og þar með möguleikinn á verðlaunum útilokaður.
Þarna mismunar blað allra landsmanna landsmönnum eftir búsetu. Og er svo sem ekkert nýtt, áskrifendur í nærsveitum Húsavíkur fá ekki Moggann sinn nema endrum og sinnum og jafnvel fimmtudagsblaðið ekki fyrr en á mánudegi eða þriðjudegi í næstu viku. Og þar er ekki við Moggann að sakast og ástæðan auðvitað gríðarlegur niðurskurður í póstþjónustu í sveitum.
En vissulega vekur það við fyrstu sýn furðu að gegnheilir Sjálfstæðismenn á Húsavík, og þeir eru margir, skuli ekki einfaldlega sameinast um að taka að sér umboðið fyrir málgagnið og hreinlega skiptast á um að bera það út og koma því í verslanir með sameinuðu átaki. Því hér áður fyrr voru dæmi um að góðir og gegnir Framsóknarmenn í bænum báru út Tímann og Dag af hugsjónaástæðum einum saman og flokknum að kostnaðarlausu.
En sjálfsagt er þetta ástand hjá Mogganum bara tímanna tákn um minnkandi flokkshollustu og kulnandi hugsjónaeld. /JS
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir