Vikudagur -

Flýtilyklar

Deildarval
Valmynd

Fréttir

Skemmdir unnar á golfsvæði

föstudagur 30.júl.10 09:09

Arnór Jón Sveinsson með kúbeinið sem hann fann við vélageymslu GA. Það hefur að líkindum verið notað til að brjótast inn í gáma á svæðinu.

„Þeir mega koma og sækja kúbeinið,“ segir Arnór Jón Sveinsson vélamaður hjá Golfklúbbi Akureyrar, en í vikunni voru skemmdarvargar á ferð á golfvellinum í þriðja sinn í sumar. Arnór fann kúbein austan við vélaskemmuna sem að líkindum hefur verið notuð til að opna gáma sem á svæðinu eru.

Steindór Ragnarsson vallarstjóri segir að töluverðar skemmdir hafi verið unnar á svæðinu, brotist var inn í bíl sem og einnig inn í kúluvél sem er á æfingasvæðinu. Þá voruskemmdir unnar á golfbíl og brotist inn á tvo gáma við vélageymsluna. Þar eru skápar fyrir félagsmenn og voru um eða yfir þrjátíu hurðir brotnar upp. „Það var engu stolið, einungis unnin skemmdarverk,“ segir Steindór.
Þetta er í þriðja sinn sem óboðnir gestir eru á ferðinni á golfvellinum við Jaðar að næturlagi í sumar og vinna skemmdir. Steindór segir það afskaplega ömurlegt að hugsa til þess að fólk geri sér slíkt að leik. Hann segir að nú sé unnið að úrbótum og öryggismál á golfvallasvæðinu séu til skoðunar.

Til baka | Senda frétt