Vikudagur

Fulltrúar L-listans í framkvæmdaráði Akureyrarbæjar samþykktu á dögunum að farin yrði leið B í sorphirðu á Akureryi, en fjallað var um sorpmál og framtíðarsýn á fundi ráðsins á dögunum. Tvær leiðir, nefndar A og B voru til umfjöllunar og sýndist sitt hverjum.

Stjarnan lagði Þór/KA 3:2 á Stjörnuvelli í dag í Pepsi-deild kvenna í knattspyrnu. Mateja Zver skoraði bæði mörk Þórs/KA en þær Soffía Gunnarsdóttir, Katie McCoy og Inga Birna Friðjónsdóttir skoruðu mörk Stjörnunar. Inga Birna skoraði sigurmarkið tveimur mínútum fyrir leikslok. Þá urðu þau óvæntu úrslit að FH lagði Breiðablik 3:2 á Kaplakrikavelli. Blikastúlkur halda þó öðru sætinu með 32 stig en Þór/KA hefur 31 stig í þriðja sæti.

„Þetta er barátta, það er staðreynd að nú gengur hægar en oft áður að fá fagfólk til starfa, einkum lækna, það er langt í frá auðvelt að fá t.d. sérfræðinga af ýmsu tagi," segir Halldór Jónsson forstjóri Sjúkrahússins á Akureyri.  Nýverið hafa þrjár stöður lækna, deildarlæknis við lyflækningadeild, yfirlæknir á dag- og göngudeild lyfjadeildar og sérfræðings í lyflækningum, verið auglýstar lausar til umsóknar en viðbrögð ekki verið mikil.

Frá árinu 1965 hafa Sameinuðu þjóðirnar helgað 8. september málefnum læsis.  Íslendingar hafa getað boðið börnum sínum tækifæri til lestrarnáms en læsi er nú skilgreint af SÞ sem  grunnlífsleikni. Til að viðhalda lestrarfærni þarf að iðka lestur. Þess er vænst að landsmenn íhugi þau lífsgæði sem felast í því að geta lesið og tjáð sig í rituðu máli.