Vikudagur

Úrslitaleikurinn í íshokkí karla fer fram kl. 19:15 í kvöld í Skautahöll Akureyrar, en þá mætast Skautafélag Akureyrar og Björninn í fimmta leik liðanna í baráttunni Íslandsmeistaratitilinn. Staðan í einvíginu er 2:2 og því þarf oddaleik til þess að knýja fram sigurvegara. Einvígi liðanna hefur verið hin mesta skemmtun og Björninn komið virkilega á óvart með góðri spilamennsku og eflaust hafa fáir reiknað með að einvígi þessara liða færi í fimm leiki eins og hefur komið á daginn. Vikudagur sló á þráðinn til Gunnars Guðmundssonar, fyrirliða Bjarnarins, og Sigurðar Sveins Sigurðssonar, leikmann SA og leikreyndasta mann úrslitakeppninnar, til þess að fara yfir málin og spá í spilin fyrir kvöldið.

Fimmtudaginn 11. mars kl. 21:00 heldur fjölþjóða heimstónlistarsveitin Narodna Muzika tónleika í Deiglunni á Akureyri í samstarfi við Jazzklúbb Akureyrar. Narodna Muzika var stofnuð árið 2006 af Hauki Gröndal saxófón- og klarínettleikara. Frá upphafi hefur markmið sveitarinnar verið að leika tónlist með rætur frá Balkanskaganum.

Með því að sameina sveitarfélögin Arnarneshrepp og Hörgárbyggð má bæta þjónustu við íbúa og atvinnulífið, m.a. með tímabundnum framlögum úr jöfnunarsjóði sveitarfélaga, með sparnaði sem hlýst af hagræðingu í yfirstjórn og með varanlegri hækkun sem verður á ákveðnum framlögum Jöfnunarsjóðs við sameiningu sveitarfélaga.  „Þeim fjármunum sem þannig skapast yrði varið til að efla atvinnulífið og styrkja almenna þjónustu við íbúana."

"Vegna mikillar umræðu um þjófnað á handfærarúllum viljum við taka það fram sem framleiðendur á DNG handfærum að allar tölvurúllur sem við höfum smíðað síðan 2007 eru með þjófavörn," segir í fréttatilkynningu frá Slippnum Akureyri. "Þjófavörnin er fólgin í því að slá þarf inn fjögurra stafa kóða til þess að opna vinduna, eins og á GSM farsímum."