Vikudagur

Minjasafnið á Akureyri, Punkturinn og Grasrót - Iðngarðar vilja bjóða áhugasömum einstaklingum að koma saman og sauma eða breyta fötum fyrir öskudaginn. Laugardaginn 13. febrúar frá kl. 10 - 16 í Zontasalnum, Aðalstræti 54 A munu efni og/eða gömul klæði breytast í fagra búninga.

Akureyri Handboltafélag leikur sinn fyrsta heimaleik á árinu í kvöld er liðið fær Gróttu í heimsókn í Íþróttahöll Akureyrar kl. 19:00 í N1- deild karla í handbolta. Eftir brotlendinguna gegn FH í síðasta leik eru norðanmenn eflaust staðráðnir í að sanna sig á nýjan leik á heimavelli. Fyrir leikinn í kvöld munar þremur stigum á liðinum, Akureyri hefur 11 stig í 4. sæti deildarinnar en Grótta átta stig í 6.sæti.

Alls verða 37 meistaranemar útskrifaðir frá RES Orkuskólanum á Akureyri þann 19. febrúar nk. og fer athöfnin fram í Ketilhúsinu. Þetta er í annað sinn sem útskrifað er frá skólanum en það eru Háskólinn á Akureyri og Háskóli Íslands sem í sameiningu útskrifa meistaranema RES. Þriðja starfsár skólans er svo hafið en um helgina komu 45 nýnemar frá 10 löndum til náms við skólann og munu dvelja hér í eitt ár.

 

Um þessar mundir er verið að vinna úr umferðartalningu sem gerð var á umferð um Miðhúsabraut í lok síðastliðins árs. Helgi Már Pálsson deildarstjóri framkvæmdadeildar Akureyrarbæjar segir að  vinna fari bæði fram hjá framkvæmdadeild og eins hjá sérfræðingi í umferðarmálum.